|
|
 |
| (GMT+08:00)
2007-10-18 18:45:24
|
 |
|
ຈີນປະທ້ວງຢ່າງຮຸນແຮງກ່ຽວກັບເລື່ອງລັດຖະສະພາອາເມລິກາມອບ ລາງວັນໃຫ້ພະດາໄລລາມະ
cri
ຕາມຂ່າວ cri:ວັນທີ 18 ຕຸລານີ້ ຢູ່ປັກກິ່ງ, ທ່ານຢາງເຈສື ລັດຖະມົນຕີວ່າການກະຊວງການຕ່າງປະເທດຈີນໄດ້ຮຽກພົບທ່ານຄຼາກ ແຣນດ໊ ເອກອັກຄະລັດຖະທູດອາເມລິກາປະຈຳຈີນ,ຕາງຫນ້າລັດຖະບານຈີນປະທ້ວງຢ່າງຮຸນແຮງກ່ຽວກັບເລື່ອງລັດຖະສະພາອາເມລິກາມອບລາງວັນຄຳລັດຖະສະພາໃຫ້ພະດາໄລລາມະ.
ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງເປັນປະຈຳໃນມື້ດຽວກັນ, ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ, ກິລິຍາວາຈາຂອງພະດາໄລລາມະໃນຫລາຍສິບປີມານີ້ສະແດງໃຫ້ເຫັນວ່າເຂົາແມ່ນຜູ່ພັດຖິ່ນການເມືອງທີ່ຖືຄັນຕາລະບັດສາສະຫນາເພື່ອເຄື່ອນໄຫວແບ່ງແຍກປະເທດຊາດມາຍາວນານ.ລັດຖະສະພາອາເມລິກາມອບລາງວັນໃຫ້ພະດາໄລລາມະ,ຜູ່ນຳອາເມລິກາເຂົ້າຮ່ວມພິທີມອບລາງວັນແລະພົບປະກັບພະດາໄລລາມະ,ມັນເປນັການຝ່າຝືນຫລັກມາດຖານພື້ນຖານຂອງການພົວພັນລະຫວ່າງຊາດຢ່າງຮ້າຍແຮງ, ໄດ້ລະເມີດຫລັກຫມັ້ນຂອງອາເມລິກາທີ່ກ່າວຢ້ຳຫລາຍເທື່ອວ່າຮັບຮອງຕິເບດແມ່ນພາກສ່ວນຫນຶ່ງຂອງດິນແດນຈີນທີ່ຕັດແຍກອອກບໍ່ໄດ້ນັ້ນຢ່າງຮ້າຍກາດ.ການກະທຳຂອງຝ່າຍອາເມລິກາດັ່ງກ່າວໄດ້ແຊກແຊງວຽກງານພາຍໃນຂອງຈີນຢ່າງຮ້າຍກາດ,ຝ່າຍຈີນສະແດງຄວາມບໍ່ພໍໃຈຢ່າງຣຸນແຮງແລະຄັດຄ້ານຢ່າງເດັດດ່ຽວ.
ທ່ານລິວຈ້ຽນຊ່າວກ່າວວ່າ, ຝ່າຍຈີນທວງໃຫ້ຝ່າຍອາເມລິກາຈົ່ງໃຊ້ມາດຕະການທີບັງເກີດຜົນໃນທັນທີລົບລ້າງຜົນສະທ້ອນອັນຫນັກຫນ່ວງ ຍ້ອນການກະທຳອັນຜິດພາດຂອງເຂົາ, ເຊົາຍຸຍົງແລະສະຫນັບສະຫນູນອິດທິກຳລັງແບ່ງແຍກຕິເບດໃຫ້ເປັນເອກະລາດນັ້ນດຳເນີນເຄື່ອນໄຫວແບ່ງແຍກຈີນ,ເຊົາແຊກແຊງວຽກງານພາຍໃນຂອງຈີນ,ປົກປັກຮັກສາການພົວພັນລະຫວ່າງຈີນກັບອາເມລິກາດ້ວຍການກະທຳຕົວຈິງ.
|
|
|
