ຕາມ​ຂ່າວສານ​ຊິນ​ຮວາ: ວັນທີ 19 ຕຸລາ​ນີ້, ທ່ານ​ນາງ​​ໂກຼ​ເຣຍ ມາ​ຄາ​ປາການ ອາ​ໂຣ​ໂຢ ປະ​ທານາທິບໍດີ​ຟິລິບ​ປິນ ​ໄດ້​ທວງ​ໃຫ້​ຝ່າຍ​ຕຳຫຼວດ​ດຳ​ເນີນ​ການ​ສຳ​ຫຼວດ​ເຫດ​ການ​ລະ​ເບີດ​ທີ່​ເກີດ​ຂຶ້ນຢູ່​ນະຄອນຫຼວງ​ມາ​ນີລາ​ໃນ​ມື້​ດຽວນັ້ນ ຢ່າງ​ເຖິງ​ຖອງ, ​ແລະ​ຮຽກ​ຮ້ອງ​ໃຫ້​ປະຊາຊົນ​ທົ່ວ​ປະ​ເທດ​ຮັກສາ​ຄວາມສາມັກຄີ​.

​ໃນ​ເວລາ​ກ່າວ​ຄຳ​ປາ​ໄສ​ທາງ​ໂທລະພາບ​ໄປ​ຍັງ​ທົ່ວ​ປະ​ເທດ​ໃນ​ຕອນ​ຄ່ຳ​ວັນ​ທີ 19 ຕຸ​ລາ​ນີ້, ທ່ານ​ນາງ​ອາ​ໂຣ​ໂຢກ່າວ​ວ່າ, ​ໄດ້​ສັ່ງ​ໃຫ້​ກອງ​ຕຳ​ຫຼາດ​ແຫ່ງ​ຊາດ​ສົ່ງ​ກຳ​ລັງ 2000 ຄົນ​ໄປ​​ເພີ່ມ​ຢູ່ນະຄອນຫຼວງ​ມາ​ນີລາ​ແລ້ວ, ຈະ​ຕ້ອງ​ຮັກສາ​ຄວາມປອດ​ໄພ​ຂອງ​ສະ​ຖານ​ທີ່​ສາ​ທາ​ລະນະ, ​ແລະ​ສຳ​ຫຼວດ​ເຫດການ​ລະ​ເບີດ​ຢ່າງ​ເຖິງ​ຖອງ. ທ່ານນາງ​ຍັງ​ເຕືອນ​ໃຫ້​ອິດ​ທິ​ກຳ​ລັງ​ທີ່​ຫວັງ​ກໍ່​ການ​ປັ່ນ​ປ່ວນ​ເພື່ອ​ໄດ້​​ຜົນ​ປະ​ໂຫຍ​ດທາງ​ການ​ເມືອງ ຢ່າ​ກໍ່​ເລື່ອງ​ກໍ່​ລາວ.

ຕອນ​ບ່າຍວັນ​ທີ 19 ຕຸລາ​ນີ້, ຢູ່​ສູນ​ສິນຄ້າ​ຂະໜາດ​ໃຫຍ່​​ເຂດ​ການ​ທະນາຄານ​ມາ​ຄາ​ຕີ​ນະ​ຄອນ​ຫຼວງ​ມາ​ນີລາ ​ໄດ້​​ເກີດເຫດການຫຼອນ​ໂຈມ​ຕີ​ດ້ວຍ​ລູກ​ລະ​ເບີດ. ຕາມ​ຂ່າວ​ຈາກ​ຝ່າຍ​ຕຳ​ຫຼວດ​ແລະ​ໂຮງໝໍ​ປະກາດ​ວ່າ, ​ເຫດ​ການລະ​ເບີດ​ໄດ້​ພາ​ໃຫ້​ມີ 8 ຄົນ​ເສຍ​ຊີ​ວິດ 10 ຄົນ​ຫາຍ​ສາບ​ສູນ, ຍັງ​ມີ 80 ກວ່າ​ຄົນ​ບາດ​ເຈັບ.