|
ມູນຄ່າການຄ້າລະຫວ່າງຈີນກັບອາຊຽນມີຫວັງຈະບຸກທະລຸ200ຕື້ໂດລາໃນປີໜ້າ
cri
Author: shuo
ຕາມຂ່າວສານຊິນຮວາ:ຫວ່າງມໍ່ໆນີ້,ກອງເລຂາຂອງງານເອັກສ໌ໂປຈີນ-ອາຊຽນທີ່ຕັ້ງຢູ່ນານນີງ ເທດສະບານເຂດກວາງຊີຈີນແຈ້ງວ່າ,ປີນີ້,ມູນຄ່າການຄ້າລະຫວ່າງຈີນກັບອາຊຽນມີຫວັງຈະບັນລຸ190ຕື້ໂດລາ,ແລະມີຫວັງຈະບຸກທະລຸ200ຕື້ໂດລາໃນປີ2008.
ທ່ານຈ່າງສຽວຊິ່ນ ເລຂາທິການໃຫຍ່ກອງເລຂາງານເອັກສ໌ໂປຈີນ-ອາຊຽນແນະນຳວ່າ,ປະຈຸບັບນີ້,ຈີນແລະອາຊຽນຕ່າງໄດ້ເປັນຄູ່ການຄ້າໃຫຍ່ທີ່ສີ່ຂອງຝ່າຍກົງກັນຂ້າມ.ຫຼາຍປີມານີ້,ການກໍ່ສ້າງເຂດການຄ້າເສລີຈີນ-ອາຊຽນດຳເນີນຢ່າງສະດວກ,ການຮ່ວມມືໃນພາກພື້ນໄດ້ລົງສູ່ລວງເລິກຢ່າງບໍ່ຢຸດຢັ້ງ.8ເດືອນທຳອິດປີ2007,ມູນຄ່າການຄ້າລະຫວ່າງຈີນກັບອາຊຽນມີເກືອບ128ຕື້ໂດລາ.
ນອກນີ້,ການຮ່ວມມືດ້ານການລົງທຶນລະຫວ່າງຈີນກັບອາຊຽນກໍພັດທະນາຢ່າງສະດວກ.ນັບມາຮອດທ້າຍປີ2006,ນັບລວມແລ້ວ,ການລົງທຶນຕໍ່ຈີນຂອງປະເທດອາຊຽນມີເກືອບ42ຕື້ໂດລາ.ການລົງທຶນຂອງຈີນທີ່ມີຕໍ່ອາຊຽນກໍປະກົດມີທ່ວງທ່າເພີ່ມຂຶ້ນດ້ວຍຈັງຫວະໄວ.
|
|
