|
ທ່ານຜູ່ຟັງທີ່ເຄົາລົບ, ກອງປະຊຸມສຸດຍອດອາຊຽນຄັ້ງທີ 12, ກອງປະຊຸມສຸດຍອດອາຊຽນກັບຈີນ ຍີ່ປຸ່ນແລະສ.ເກົາຫຼີຫຼື（ອາຊຽນ+3）,ກອງປະຊຸມສຸດຍອດອາຊຽນກັບຈີນຄັ້ງທີ10ແລະກອງປະຊຸມສຸດຍອດອາຊີຕາເວັນອອກຄັ້ງທີ 2, ຈະຈັດຂຶ້ນຢູ່ແຂວງເຊບູພາກກາງຂອງຟີລິບປີນແຕ່ວັນທີ 13 ຫາວັນທີ 15 ມັງກອນນີ້. ຫົວຂໍ້ຂອງກອງປະຊຸມປີນີ້ແມ່ນ"ມະຫາຄອບຄົວທີ່ເອົາໃຈໃສ່ກັນແບ່ງປັນກັນແລະເປັນໜຶ່ງດຽວ". ທ່ານເວີນເຈ່ຍປາວ ນາຍົກລັດຖະມົນຕີຈີນຈະເຂົ້າຮ່ວມກອງປະຊຸມຕ່າງໆທີ່ກ່ຽວຂ້ອງ. ກອງປະຊຸມສຸດຍອດຕ່າງໆຂອງປີນີ້ຈະປຶກສາຫາລືບັນຫາຫຍັງແລະອາດຈະໄດ້ຮັບໝາກຜົນແນວໃດໄດ້ດຶງດູດຄວາມສົນໃຈຂອງຄົນທັງຫຼາຍ. ສືຈີງຫົງ ນັກຂ່າວພິເສດຂອງCRIໄດ້ສຳພາດທ່ານຈາຍຄຸ່ນ ຫົວໜ້າຫ້ອງຄົ້ນຄວ້າອາຊີອາຄະເນແລະທະວີບໂອເຊອານີຂອງສະຖາບັນຄົ້ນຄວ້າການພົວພັນສາກົນຍຸກປັດຈຸບັນຂອງຈີນ, ຕໍ່ໄປ, ເຊິ່ງຟັງເນື້ອໃນລະອຽດ:
ໃນກອງປະຊຸມສຸດຍອດອາຊຽນຕ່າງໆ, ຈະຈັດກອງປະຊຸມສຸດຍອດອາຊຽນຄັ້ງທີ 12, ກ່ອນໝູ່, ຕາມຄະນະກຳມະການຈັດກອງປະຊຸມສຸດຍອດເຜີຍໃຫ້ຮູ້ວ່າ, ຜູ່ນຳ10ປະເທດອາຊຽນທີ່ຈະຮ່ວມປະຊຸມ, ຈະປຶກສາຫາລືກັນກ່ຽວກັບບັນຫາສຳຄັນທີ່ກ່ຽວພັນເຖິງຄວາມປອດໄພແລະການພັດທະນາໃນອະນາຄົດຂອງພາກພື້ນແຫ່ງນີ້ເຊັ່ນ ການສ້າງ"ກົດບັດອາຊຽນ" ການລົງທຶນການຄ້າ, ການເພີ່ມທະວີການຮ່ວມມືຕ້ານລັດທິກໍ່ການຮ້າຍ, ການເຈລະຈາ6ຝ່າຍກ່ຽວກັບບັນຫານີວເຄຼຍແຫຼມເກົາຫຼີເປັນຕົ້ນ. ຕໍ່ເລື່ອງນີ້, ທ່ານຈາຍຄຸ່ນເຫັນວ່າ, ຫົວຂໍ້ທີ່ໜ້າສົນໃຈທີ່ສຸດແມ່ນບັນດາປະເທດອາຊຽນຈະລົງນາມໃນ"ກົດບັດອາຊຽນ"ໃນກອງປະຊຸມເທື່ອນີ້ຫຼືບໍ່.
"ຍ້ອນວ່າກົດບັດນີ້ແມ່ນຫຼັກການທີ່ວາງອອກເພື່ອການພັດທະນາຍາວນານຂອງອາຊຽນ. ເມື່ອປີ2003, 10ປະເທດອາຊຽນກໍໄດ້ຕົກລົງກັນວ່າ, ຈະສ້າງປະຊາຄົມໜຶ່ງທີ່ຄ້າຍຄືກັບກັບສະຫະພາບເອີລົບໃນປີ2020, ທີ່ປະກອບດ້ວຍງ3ພາກສ່ວນຄື: ປະຊາຄົມເສດຖະກິດ, ປະຊາຄົາຄວາມໝັ້ນຄົງແລະປະຊາຄົມວັດທະນະທຳສັງຄົມ. ຢາກສ້າງປະຊາຄົມນີ້, ກໍຕ້ອງສາມັຄີກັນໃຫ້ແໜ້ນແຟ້ນກວ່າເກົ່າ, ເຕົ້າໂຮມກຳລັງກັນມາຮັບມືກັບການທ້າທາຍຫຼືການຂົ່ມຂູ່ຕ່າງໆ."
ໃນກອງປະຊຸມສຸດຍອດຕ່າງໆທີ່ຈັດຂຶ້ນຕາມຫຼັງເຊັ່ນກອງປະຊຸມອາຊຽນ+3ແລະກອງປະຊຸມອາຊຽນ+1ນັ້ນ, ຈີນກັບອາຊຽນຈະປຶກສາຫາລືກັນກ່ຽວກັບຈະຜັນຂະຫຍາຍກັນຂອງສອງຝ່າຍໃນເດືອນພະຈິກປີກາຍນີ້ແນວໃດ. ຝ່າຍຈີນຈະສະເໜີຂໍ້ລິເລີ່ມຕ່າງໆຢ່າງລະອຽດໃນໄລຍະກອງປະຊຸມສຸດຍອດຕ່າງໆ, ເພື່ອປັບປຸງແລະຍົກລະດັບການພົວພັນຄູ່ຮ່ວມມືຍຸດທະສາດລະຫວ່າງຈີນກັບອາຊຽນໃຫ້ສູງຂຶ້ນຕື່ມອີກ. ທ່ານຈາຍຄຸ່ນເຫັນວ່າ, ຄາດວ່າໃນໄລຍະກອງປະຊຸມເທື່ອນີ້, ຈີນກັບອາຊຽນຈະສືບຕໍ່ພະຍາຍາມເພື່ອຊຸກຍູ້ການສ້າງເຂດການຄ້າເສລີຈີນ-ອາຊຽນ. ທ່ານເຫັນວ່າ, ຖ້າວ່າຈີນກັບອາຊຽນສາມາດສ້າງເຂດການຄ້າເສລີສຳເລັດກ່ອນປີ2010ຕາມເວລາກຳນົດແລ້ວ, ຈະມີຜົນດີຕໍ່ຈີນແລະຕໍ່ພາກພື້ນແຫ່ງນີ້. ທ່ານເວົ້າວ່າ:
"ສຳລັບຈີນ, ພວກເຮົາສາມາດໃຫ້ຜະລິດຕະພັນອາຊຽນສົ່ງເຂົ້າຕະຫຼາດຈີນຫຼາຍກວ່າເກົ່າ, ແລະກໍສາມາດໃຫ້ນັກລົງທຶນຂອງຈີນໄປລົງທຶນຢູ່ປະເທດອາຊີອາຄະເນຫຼາຍກວ່າເກົ່າ; ສຳລັບປະເທດອາຊີອາຄະເນ, ພວກເຂົາເຈົ້າກໍຕ້ອງຮັບມືກັບຄວາມສ່ຽງຕ່າງໆທີ່ເນື່ອງຈາກເສດຖະກິດໂລກາວິວັດ, ພວກເຂົາເຈົ້າກໍຕ້ອງຊອກຫາຕະຫຼາດໃໝ່ແລະແຫຼ່ງທຶນ$ມ່, ຈີນກໍແມ່ນເປົ້າໝາຍທີ່ດີທີ່ສຸດສຳລັບເຂົາເຈົ້າ. ຖ້າຈີນແລະອາຊຽນໄດ້ສ້າງເຂດການຄ້າເສລີກ່ອນ, ເພິ່ນກໍສາມາດຊຸກຍູ້ອາຊຽນກັບສ.ເກົາຫຼີແລະອາຊຽນກັບຍີ່ປຸ່ນສ້າງເຂດການຄ້າເສລີ, ແລ້ວຈິງມີຜົນດີຕໍ່ການພັດທະນາການຮ່ວມມືເສດຖະກິດຂອງພາກພື້ນອາຊີຕາເວັນອອກ."
ກ່ຽວກັບສະພາບປັດຈຸບັນແລະອະນາຄົດຂອງກອງປະຊຸມສຸດຍອດອາຊີຕາເວັນອອກທີ່ປະກອບດ້ວຍ10ປະເທດອາຊຽນກັບຈີນ ຍີ່ປຸ່ນ ສ.ເກົາຫຼີ ອິນເດຍ ອົສຕຼາລີແລະນູແວັນເຊລັງ, ທ່ານຈາຍຄຸ່ນເຫັນວ່າ, ນີ້ແມ່ນບັນຫາໜຶ່ງທີ່ອ່າວສັບສົນ, ຕ້ອງເອົາກັບກອງປະຊຸມສຸດຍອດອາຊີຕາເວັນອອກພົວພັນກັບກອງປະຊຸມອາຊຽນບວກສາມ. ກອງປະຊຸມສຸດຍອດປີກາຍນີ້ໄດ້ແບ່ງງານກ່ຽວກັບສອງກົນໄກດັ່ງກ່າວໂດຍພື້ນຖານແລ້ວ, ນັ້ນກໍຄືກອງປະຊຸມອາຊຽນ+3ຍັງແມ່ນເວທີການຮ່ວມມືຂອງອາຊີຕາເວັນອອກຕົ້ນຕໍ, ສ່ວນກົນໄກກອງປະຊຸມສຸດຍອດອາຊີຕາເວັນອອກພັດແມ່ນວິທີປາໄສແຫ່ງໜຶ່ງທີ່ຄົ້ນຄວ້າບັນຫາຍຸດທະສາດຂອງພາກພື້ນແຫ່ງນີ້. ສະນັ້ນ, ອາຊຽນ+3ແມ່ນກົນໄກໜຶ່ງທີ່ຄົ້ນຄວ້າບັນຫາຕົວຈິງ, ສ່ວນກອງປະຊຸມສຸດຍອດອາຊີຕາເວັນອອກພັດແມ່ນກົນໄກໜຶ່ງທີ່ຄົ້ນຄວ້າບັນຫາແບບລວມໆໂດຍບໍ່ໄດ້ລົງເລິກ.
"ໃນບັນຫານີ້, ຂ້າພະເຈົ້າເຫັນວ່າຜູ່ນຳອາຊີຕາເວັນອອກຄວນພິຈາລະນາໃຫ້ຖີ່ຖ້ວນຫຼືສັງເກດການສັງເກດການເລິ່ງກ່ອນຈິ່ງທຳການຕົກລົງ. ເບິ່ງຈາກປະຊາຄົມໂລກ, ການຮ່ວມມືພາກພື້ນຂອງສະຫະພາບເອີລົບ, ອາເມລິກາລາຕິນ, ອາຊີໃຕ້ຫຼືອາຟຼິກາລ້ວນແຕ່ເຂົ້າສູ່ໄລຍະປ່ຽວໄປປ່ຽວມາ. ຕະຫຼອດແຕ່ການຮ່ວມມືຂອງອາຊີຕາເວັນອອກພັດໄດ້ປະກົດມີສະພາບການໃໝ່, ຄືນອກຈາກປະເທດອາຊີຕາເວັນອອກແລ້ວ, ປະເທດອື່ນໆກໍຢາກຈະເຂົ້າຮ່ວມການຮ່ວມມືຂອງອາຊີຕາເວັນອອກ, ການຮ່ວມມືແບບນີ້ຈະດຳເນີນໄປແນວໃດ, ລັດທິພາກພື້ນໄຂປະຕູຈະປະຕິບັດເປັນແນວໃດ, ລ້ວນແຕ່ແມ່ນບັນຫາທີ່ໃຫ້ຜູ່ນຳອາຊີຕາເວັນອອກຄົ້ນຄິດຕື່ມອີກ. ເມື່ອຜ່ານໄປຫຼາຍປີແລ້ວຈິ່ງຕົກລົງທິດທາງຂອງກອງປະຊຸມສຸດຍອດອາຊີຕາເວັນອອກຕື່ມອີກ, ເຮັດໃຫ້ມັນເຊື່ອມໂຍງເຂົ້າກັບການຮ່ວມມືຂອງອາຊຽນ+3, ການເປັນສອງກົນໄກທີ່ກົມກຽວກັນແລະປະກອບເຂົ້າກັນທີ່ສາມາດຊຸກຍູ້ການຮ່ວມມືຂອງອາຊີຕາເວັນອອກ."
ທ່ານຜູ່ຟັງທີ່ເຄົາລົບທີ່ຟັງມານັ້ນແມ່ນບົດລາຍງານ: ພະຍາຍາມສ້າງ"ມະຫາຄອບຄົວທີ່ເອົາໃຈໃສ່ກັນ,ແບ່ງປັນກັນແລະເປັນໜຶ່ງດຽວ". ລາຍການຈີນກັບອາຊຽນເທື່ອນີ້ກໍຈົບລົງພຽງທໍ່ນີ້. ພົບກັນໃໝ່ໃນອາທິດໜ້າ.
|
