|
|
 |
| (GMT+08:00)
2007-10-22 19:54:38
|
 |
|
ວິສາຫະກິດຈີນແລະຕ່າງປະເທດຍາດແຍ່ງໂອກາດທຸລະກິດໃນງານວາງສະແດງສິນຄ້າຈີນ-ອາຊຽນ
cri
Author: cai
ຕາມຂ່າວສານຊີນຮວາ:ຫວ່າງມໍ່ໆນີ້,ມີ 40 ກວ່າວິສາຫະກິດໄດ້ເຊັນສັນຍາຮ່ວມມືກັບກອງເລຂາຂອງງານວາງສະແດງສິນຄ້າຈີນ-ອາຊຽນຕາມໆກັນ,ເພື່ອຍາດແຍ່ງໂອກາດທຸລະກິດທີ່ງານວາງສະແດງສິນຄ້າຈີນ-ອາຊຽນນຳເອົາມາ.
ທ່ານລຽງຈີງຫຼີ ຜູ້ອຳນວຍການໃຫຍ່ກຸ່ມບໍລິສັດເຫຼັກກ້າຫຼີວໂຈ່ເຂດກວາງຊີບອກນັກຂ່າວວ່າ,ງານວາງສະແດງສິນຄ້າຈີນ-ອາຊຽນໄດ້ສ້າງເງື່ອນໄຂໃຫ້ການເລັ່ງລັດເປີດກວ້າງຕະຫຼາດອາຊຽນ.ນັບແຕ່ເດືອນມັງກອນຫາເດືອນກັນຍາປີນີ້,ບໍລິສັດດັ່ງກ່າວໄດ້ສົ່ງເຫຼັກກ້າອອກໄປຂາຍຢູ່ຕ່າງປະເທດ 4 ແສນ 8 ໝື່ນ 5 ພັນໂຕນ,ໃນນັ້ນ,ມີ 2 ແສນ 7 ໝື່ນ 2 ພັນໂຕນໄດ້ສົ່ງອອກໄປຂາຍຢູ່ປະເທດອາຊຽນ,ກວມ 50% ຂຶ້ນໄປຂອງຍອດປະລິມານເຫຼັກກ້າທີ່ສົ່ງອອກໄປຂາຍຢູ່ຕ່າງປະເທດຂອງວິສາຫະກິດດັ່ງກ່າວ.
ວິສາຫະກິດຕ່າງປະເທດກໍ່ເຫັນໄປໃນແງ່ດີຕໍ່ງານວາງສະແດງສິນຄ້າຈີນ-ອາຊຽນ.ຕາມແນະນຳວ່າ,ຕາມແຜນເດີມ,ງານວາງສະແດງສິນຄ້າຄັ້ງນີ້ຈະຕັ້ງຮ້ານວາງສະແດງສິນຄ້າຂອງຕ່າງປະເທດ 1000 ຮ້ານ,ແຕ່ເມື່ອຮອດທ້າຍເດືອນກໍລະກົດ,ຍອດຈຳນວນຮ້ານວາງສະແດງສິນຄ້າຕ່າງປະເທດໄດ້ມີເຖິງ 1135 ຮ້ານ,ໃນນັ້ນ,10 ປະເທດອາຊຽນໄດ້ໃຊ້ 1126 ຮ້ານ.ອິນໂດເນເຊຍ ມາເລເຊຍ ມຽນມາ ໄທແລະຫວຽດນາມຍັງໄດ້ຮ້ອງຂໍຫໍວາງສະແດງເອກະລາດເພື່ອວາງສະແດງສິນຄ້າຂອງປະເທດຕົນ.
ງານວາງສະແດງສິນຄ້າຈີນ-ອາຊຽນຄັ້ງທີ 4 ຈະຈັດຂຶ້ນຢູ່ນະຄອນນານນີງນັບແຕ່ວັນທີ 28 ຫາວັນທີ 31 ຕຸລານີ້,ປະຈຸບັນ,ວຽກງານກະກຽມພວມດຳເນີນໄປຢ່າງສະດວກ.
|
|
|
