ຕາມຂ່າວສານຊີນຮວາ: ນັກຂ່າວໄດ້ຊາບຈາກເຈົ້າໜ້າທີ່ທີ່ກ່ຽວຂ້ອງວ່າ, ງານວາງສະແດງສິນຄ້າຈີນອາຊຽນຄັ້ງທີ 4 ທີ່ຈະຈັດຂຶ້ນຢ່າງເປັນທາງການໃນວັນທີ 28 ຕຸລານີ້ຈະຍົກຫົວຂໍ້ຮ່ວມມືລະຫວ່າງເມືອງທ່າໃຫ້ພົ້ນເດັ່ນ.
ແຕ່ເດືອນມັງກອນຫາເດືອນສິງຫາປີນີ້, ມູນຄ່າການຄ້າສອງຝ່າຍຈີນກັບອາຊຽນໄດ້ບັນລຸເຖີງ 127 ຕື້ 950 ລ້ານໂດລາ, ໃນປີ 2008 ຄາດວ່າຈະບັນລຸ 200 ຕື້ໂດລາ.
ການຮ່ວມມືລະຫວ່າງເມືອງທ່າແມ່ນເນື້ອໃນສຳຄັນໃນການຮ່ວມມືລະຫວ່າງຈີນກັບປະເທດອາຊຽນ. ໃນໄລຍະໄຂງານວາງສະແດງສິນຄ້າຈີນອາຊຽນຄັ້ງທີ 4, ຈະຈັດເວທີປືກສາຫາລືການພັດທະນາກັບການຮ່ວມມືເມືອງທ່າຈີນອາຊຽນ, ຈະເຊື້ອເຊີນລັດຖະມົນຕີກະຊວງຄົມມະນາຄົມຂອງ 10 ປະເທດອາຊຽນ ພ້ອມດ້ວຍເຈົ້າໜ້າທີ່ເມືອງທ່າຕົ້ນຕໍ ຜູ້ຮັບຜິດຊອບກຸ່ມບໍລິສັດວຽກງານທ່າກ່ຳປັ່ນ ນັກທຸລະກິດທີ່ລົງທຶນເມືອງທ່າສາກົນ ບໍລິສັດຂົນສົ່ງທາງນ້ຳສຳຄັນ ນັກທຸລະກິດບໍລິການການຈໍລະຈອນສິນຄ້າ ແລະວິສາຫະກິດສ້ອມແປງແລະຕໍ່ກ່ຳປັ່ນຂອງຈີນແລະ 10 ປະເທດອາຊຽນເຂົ້າຮ່ວມ, ເພື່ອພ້ອມກັນສະແຫວງຫາໂອກາດການຄ້າການຮ່ວມມືເມືອງທ່າໃນພາກພື້ນ.
ນອກນີ້, ງານວາງສະແດງສິນຄ້າຈີນອາຊຽນຄັ້ງທີ 4 ຈະໃຫ້ເມືອງທ່າຕົ້ນຕໍຂອງຈີນກັບ 10 ປະເທດອາຊຽນເຂົ້າຮ່ວມການວາງສະແດງໃນຖານະເປັນ"ຕົວເມືອງສະເໜ່".
|