|
ຕາມຂ່າວສານຊິນຮວາ: ວັນທີ 24 ຕຸລານີ້, ສື່ຟິລິບປິນລາຍງານວ່າ, ເຖິງວ່າໃນອາທິດແລ້ວນີ້ ຢູ່ນະຄອນຫຼວງມານີລາຟິລິບປິນໄດ້ເກີດເຫດການລະເບີດຢູ່ສູນການຄ້າແຫ່ງໜຶ່ງກໍຕາມ, ແຕ່ຫວ່າງມໍ່ໆນີ້, ທ່ານດູຣາໂນ ຫົວໜ້າກົມທ່ອງທ່ຽວແຫ່ງຊາດຟິລິບປິນກ່າວວ່າ, ທ່ານເຫັນໄປໃນແງ່ດີຕໍ່ເລື່ອງຈະມີແຂກຕ່າງປະເທດມາທ່ອງທ່ຽວຟິລິບປິນເພີ່ມຂຶ້ນ, ປີ 2007 ນີ້, ຟິລິບປິນຕ້ອນຮັບນັກທ່ອງທ່ຽວຕ່າງປະເທດເຖິງ 3 ລ້ານ 1 ແສນເທື່ອຄົນ, ໄດ້ສ້າງສະຖິຕິໃໝ່ໃນຫຼາຍປີມານີ້.
ທ່ານດູຣາໂນກ່າວວ່າ, ເລີ່ມແຕ່ປີນີ້ເປັນຕົ້ນໄປ, ລັດຖະບານຟິລິບປິນໄດ້ປະຕິບັດນະໂຍບາຍຜ່ອນຍານໃນລະດັບຕ່າງກັນ ຕໍ່ການຂໍວິຊາໄປທ່ຽວຟິລິບປິນ ສຳລັບພົນລະເມືອງຣັດເຊຍ ຈີນແລະອິນເດຍ, ນັກທ່ອງທ່ຽວທີ່ມາຈາກ 3 ປະເທດດັ່ງກ່າວ ຈະເພີ່ມຂຶ້ນສົມຄູ່ກັນ. ພ້ອມກັນນັ້ນ, ນັກທ່ອງທ່ຽວຕ່າງປະເທດທ່ອງທ່ຽວຢູ່ຟິລິບປິນດົນກວ່າເກົ່າໂດຍທົ່ວໄປ, ການບໍລິໂພກ ກໍເພີ່ມຂຶ້ນເປັນກ້າວໆ.
ຟິລິບປິນຖືກເອີ້ນວ່າ "ປະເທດພັນເກາະ", ມີແຫຼ່ງທ່ອງທ່ຽວອຸດົມສົມບູນ, ແຕ່ການພັດທະນາດ້ານການທ່ອງທ່ຽວອ່າວຫຼ້າໝູ່. ໃນອາທິດແລ້ວນີ້, ຢູ່ສູນການຄ້າທີ່ຕັ້ງຢູ່ເຂດການຄ້າສີວິໄລໃນນະຄອນຫຼວງມານີລາ ໄດ້ເກີດເຫດການລະເບີດກະທັນຫັນ, ຢ່າງໜ້ອຍເຮັດໃຫ້ 11 ຄົນເສຍຊີວິດ, ເກືອບ 100 ຄົນບາດເຈັບ.
|
