|
ເຈົ້າໜ້າທີ່ຈີນເຈລະຈາກັບທີ່ເປິກສາພິເສດກ່ຽວກັບບັນຫາມຽນມາຂອງເລຂາທິການໃຫຍ່ອົງການສະຫະປະຊາຊາດ
cri
Author: m
ຕາມຂ່າວສານຊິ່ນຮວາ: ວັນທີ 24 ຕຸລານີ້, ຢູ່ທີ່ປັກກິ່ງ, ທ່ານເຮີຢ້າເຟີ່ຍ ຜູ້ຊ່ອຍລັດຖະມົນຕີກະຊວງການຕ່າງປະເທດຈີນກັບທ່ານອິບຼາຮິມ ກາມບາຣີ ທີ່ເປິກສາພິເສດກ່ຽວກັບບັນຫາມຽນມາຂອງເລຂາທິການໃຫຍ່ອົງການສະຫະປະຊາຊາດໄດ້ຈັດການພົບປະເຈລະຈາກັນ.
ທ່ານເຮີຢ້າເຟີ່ຍກ່າວວ່າ, ຝ່າຍຈີນເອົາໃຈໃສ່ນຳການຂະຫຍາຍຕົວຂອງສະພາບການໃນມຽນມາ, ຮຽກຮ້ອງໃຫ້ຝ່າຍຕ່າງໆທີ່ກ່ຽວຂ້ອງຈົ່ງຮັກສາຄວາມອົດກັ້ນ, ຟື້ນຟູຄວາມສະຫງົບໂດຍໄວ, ແກ້ໄຂບັນຫາໃຫ້ເໝາະສົມໂດຍຜ່ານການເປິກສາຫາລືກັນ, ຊຸກຍູ້ປະຊາທິປະໄຕແລະການພັດທະນາ. ບັນຫາມຽນມາເກີດຂຶ້ນມີສາເຫດທາງປະຫວັດສາດແລະປະຈຸບັນທີ່ສັບສົນ, ຄວນໃຫ້ລັດຖະບານແລະປະຊາຊົນມຽນມາແກ້ໄຂ. ໃນເວລາໃຫ້ການຊ່ອຍເຫຼືອທີ່ມີລັກສະນະສ້າງສັນ, ປະຊາຄົມໂລກຄວນຮັກສາຄວາມເປັນທຳ, ພາວະວິໄສ, ແລະກ້ຳເກິ່ງກັນ, ເຮັດວຽກງານທີ່ມີຜົນດີເພື່ອເພີ່ມຄວາມໄວ້ເນື້ອເຊື່ອໃຈກັນຂອງຝ່າຍຕ່າງໆຂອງມຽນມາ, ຊຸກຍູ້ການສົນທະນາໃຫ້ຫຼາຍກວ່າເກົ່າ. ຈີນສະໜັບສະໜູນຄວາມພະຍາຍາມໄກ່ເກ່ຍຂອງເລຂາທິການໃຫຍ່ຂອງອົງການສະຫະປະຊາຊາດແລະຂອງທ່ານກາມບາຣີ.
ທ່ານກາມບາຣີກ່າວວ່າ, ທ່ານຈະໄປຢ້ຽມຢາມມຽນມາອີກ, ເພື່ອເພີ່ມທະວີການຮ່ວມມືລະຫວ່າງອົງການສະຫະປະຊາຊາດກັບມຽນມາ, ຊຸກຍູ້ໃຫ້ບັນຫາມຽນມາໄດ້ຮັບການແກ້ໄຂໂດຍໄວ.
|
|
