ບົດລາຍງານຂອງUNEPຂຽນວ່າ ງານກິລາໂອລິມປິກປັກກິ່ງຜັນຂະຫຍາຍທັດສະນະຄະຕິ"ງານກິລາໂອລິມປິກສີຂຽວ"ໄດ້ຮັບໝາກຜົນທີ່ໜ້າຊົມຊື່ນ
cri
Author: cai
ຕາມຂ່າວCRI:ວັນທີ 25 ຕຸລານີ້,ອົງການວາງແຜນສິ່ງແວດລ້ອມສະຫະປະຊາຊາດຫຼືUNEPໄດ້ປະກາດບົດລາຍງານສະບັບໜຶ່ງຂຽນວ່າ,ງານກິລາໂອລິມປິກປັກກິ່ງປີ 2008 ໄດ້ຜັນຂະຫຍາຍທັດສະນະຄະຕິ"ງານກິລາໂອລິມປິກສີຂຽວ"ໄດ້ຮັບໝາກຜົນອັນເປັນໜ້າຊົມຊື່ນ.
ບົດລາຍງານຫຼ້າສຸດສະບັບນີ້ພາດຫົວເລື່ອງວ່າ"ຈ້ອງມອງສິ່ງແວດລ້ອມທົ່ວໂລກ:ສ້າງສິ່ງແວດລ້ອມເພື່ອການພັດທະນາ"ຂຽນວ່າ,ໃນການກຽມຈັດງານກິລາໂອລິມປິກ,ປັກກິ່ງໄດ້ຕັ້ງໜ້າປັບປຸງສິ່ງແວດລ້ອມທົ່ວນະຄອນໃຫ້ດີຂຶ້ນ,ໄດ້ຊອກຫາທາງອັນຖືກຕ້ອງໃນການອະນຸລັກສິ່ງແວດລ້ອມ ຮັກສາສຸຂະພາບຂອງປະຊາຊົນແລະພັດທະນາເສດຖະກິດ.
ມື້ດຽວກັນ,ທ່ານອາຈິມ ສະທາຍເນີ ຮອງເລຂາທິການໃຫຍ່ອົງການສະຫະປະຊາຊາດ ຫົວໜ້າປະຕິບັດງານສຳນັກງານອົງການສິ່ງແວດລ້ອມກ່າວວ່າ,ສັງເກດຈາກສະພາບປະຈຸບັນແລ້ວເຫັນວ່າ,ງານກິລາໂອລິມປິກປັກກິ່ງໄດ້ຜັນຂະຫຍາຍທັດສະນະຄະຕິ"ງານກິລາໂອລິມປິກສີຂຽວ"ເປັນຢ່າງດີ,ສຳນັກງານສິ່ງແວດລ້ອມໄດ້ຕີລາຄາຢ່າງຕັ້ງໜ້າຕໍ່ເລື່ອງນີ້.
|
|