|
ຕາມຂ່າວ CRI: ແຕ່ວັນທີ 2 ຫາວັນທີ 6 ພະຈິກ, ທ່ານເວິນເຈຍປາວ ນາຍົກລັດຖະມົນຕີຈີນ ຈະເຂົ້າຮ່ວມກອງປະຊຸມນາຍົກລັດຖະມົນຕີປະເທດສະມາຊິກອົງການຮ່ວມມືຊຽງໄຮ້ຄັ້ງທີ 6 ທີ່ຈະຈັດຂຶ້ນຢູ່ຕັສເກນ ນະຄອນຫຼວງອຸສເບກິສຖານ, ແລະຢ້ຽມຢາມສາທາລະນະລັດອຸສເບກິສຖານ ຕວກເມນີສະຖານ ເບໂລຊຸດຊີ ແລະ ສະຫະພັນຣັດເຊຍ ຢ່າງເປັນທາງການ, ພ້ອມທັງຈັດການພົບປະລະຫວ່າງນາຍົກລັດຖະມົນຕີຈີນຣັດເຊຍເປັນປະຈຳຄັ້ງທີ 12, ເຂົ້າຮ່ວມພິທີປິດງານ "ປີມິດຕະພາບຈີນ".
ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນໄດ້ປະກາດຂ່າວດັ່ງກ່າວໃນວັນທີ 25 ຕຸລານີ້.
ໃນໄລຍະຢ້ຽມຢາມ, ທ່ານເວິນເຈຍປາວຈະແລກປ່ຽນຄວາມເຫັນກັບຜູ້ນຳຂອງປະເທດດັ່ງກ່າວ ກ່ຽວກັບການຊຸກຍູ້ການພົວພັນລະຫວ່າງສອງຝ່າຍ ລົງເລິກການຮ່ວມມືທີ່ຕ່າງຝ່າຍຕ່າງມີຜົນປະໂຫຍດໃນຂົງເຂດຕ່າງໆ ແລະບັນຫາສາກົນແລະພາກພື້ນທີ່ສົນໃຈນຳກັນ; ພ້ອມກັນກັບນາຍົກລັດຖະມົນຕີຂອງປະເທດສະມາຊິກອື່ນໆຂອງອົງການຮ່ວມມືຊຽງໄຮ້ ຄົ້ນຄວ້າແລະຈັດວາງການຈັດຕັ້ງປະຕິບັດຕາມຄວາມຮັບຮູ້ທີ່ຄືກັນຂອງກອງປະຊຸມສຸດຍອດບິສເຄັກ ແລະ "ສົນທິສັນຍາຮ່ວມມືຖານບ້ານໃກ້ເຮືອນຄຽງທີ່ມີໄມຕີຈິດຕໍ່ກັນຍາວນານລະຫວ່າງປະເທດສະມາຊິກອົງການຮ່ວມມືຊຽງໄຮ້", ຊຸກຍູ້ການຮ່ວມມືໃນດ້ານເສດຖະກິດ ວັດທະນະທຳ ແລະຂົງເຂດອື່ນໆ.
|
