|
ຜູ້ແທນຈີນບັນລະຍາຍທັດສະນະກ່ຽວກັບບັນຫາເພີ່ມທະວີການປົກຄອງດ້ວຍກົດໝາຍພາຍໃນປະເທດແລະສາກົນ
cri
ຕາມຂ່າວ CRI: ວັນທີ 25 ຕຸລານີ້, ໃນກອງປະຊຸມກຳມາທິການທີ 6 ຂອງສະມັດຊາໃຫຍ່ອົງການສະຫະປະຊາຊາດຊຸດທີ 62, ທ່ານຕ້ວນເຈຍລົງ ຜູ້ແທນຈີນໄດ້ບັນລະຍາຍທັດສະນະຂອງຝ່າຍຈີນໃນເວລາປະກອບຄຳຄິດຄຳເຫັນກ່ຽວກັບບັນຫາເພີ່ມທະວີການປົກຄອງດ້ວຍກົດໝາຍພາຍພາຍໃນປະເທດແລະໃນໂລກ.
ທ່ານຕ້ວນເຈຍລົງກ່າວວ່າ, ໃນດ້ານການສ້າງການປົກຄອງດ້ວຍກົດໝາຍພາຍໃນປະເທດ, ປະເທດຕ່າງໆລ້ວນແຕ່ມີສິດເລືອກເອົາຮູບແບບ ທີ່ສອດຄ່ອງກັບສະພາບການຂອງປະເທດຕົນຢ່າງເປັ້ນເຈົ້າຕົນເອງພ້ອມກັນນັ້ນກໍສາມາດຖອດຖອນເອົາບົດຮຽນເຊິ່ງກັນແລະກັນ.
ໃນດ້ານເພີ່ມທະວີການປົກຄອງດ້ວຍກົດໝາຍໃນສາກົນ, ທ່ານຕ້ວນເຈຍລົງກ່າວເນັ້ນວ່າ, ຕ້ອງຮັກສາອິດທິພົນຂອງກົດບັດສະຫະປະຊາຊາດ, ເຄົາລົບຂໍ້ກຳນົດຂອງກົດໝາຍສາກົນຢ່າງເຂັ້ມງວດ, ຍຶດໝັ້ນລັກສະນະເໝາະໃຊ້ໄດ້ທົ່ວໄປຂອງກົດໝາຍສາກົນ. ພ້ອມກັນນັ້ນ, ປະເທດຕ່າງໆຍັງຄວນຊຳລະການພົວພັນລະຫວ່າງການຮັກສາຜົນປະໂຫຍດຮ່ວມກັນຂອງມວນມະນຸດ, ການປ້ອງກັນຜົນປະໂຫຍດຂອງປະເທດຕົນແລະການຮັບປະກັນຜົນປະໂຫຍດຂອງສ່ວນບຸກຄົນໃຫ້ດີ, ສ້າງທັດສະນະຜົນປະໂຫຍດທີ່ສັນຕະພາບ, ປອດໄພ, ຮ່ວມມືກັນ, ພັດທະນາ, ກົມກຽວກັນ, ແລະຕ່າງຝ່າຍຕ່າງໄດ້ຮັບຜົນປະໂຫຍດ.
|
|
