|
|
 |
| (GMT+08:00)
2007-10-26 17:11:13
|
 |
|
ເຂດກວງຊີຂອງຈີນຈະເພີ່ມທະວີການຮ່ວມມືກັບປະເທດອາຊຽນໃນດ້ານທ່າກຳປັ່ນແລະການຂົນສົ່ງທາງທະເລຕື່ມອີກ
cri
Author: cai
ຕາມຂ່າວສານຊີນຮວາ:ຫວ່າງກ່ອນນີ້,ນັກຂ່າວໄດ້ຮັບຂ່າວຈາກພະແນກຄົມມະນາຄົມເຂດກວງຊີຂອງຈີນວ່າ,ເພື່ອເຮັດໃຫ້ເສດຖະກິດທ່າກຳປັ່ນພັດທະນາໄວເຂົ້າ,ລົງເລິກການຮ່ວມມືລະຫວ່າງທ່າກຳປັ່ນພາຍໃນພາກພື້ນ,ຊຸກຍູ້ການຮ່ວມມືດ້ານເສດຖະກິດບໍລິເວນອ່າວພາກເໜືອ,ໂຄງການຮ່ວມມືດ້ານທ່າກຳປັ່ນທີ່ກ່ຽວຂ້ອງຫຼາຍແຫ່ງລະຫວ່າງເຂດກວງຊີຈີນກັບປະເທດອາຊຽນໄດ້ເລີ່ມດຳເນີນ,ແລະໄດ້ຮັບປະສິດທິຜົນໃນເບື້ອງຕົ້ນ,ພ້ອມທັງຈະເພີ່ມທະວີການຮ່ວມມືກັບປະເທດອາຊຽນໃນດ້ານທ່າກຳປັ່ນແລະການຂົນສົ່ງທາງທະເລໃນໄລຍະຕໍ່ໜ້ານີ້ຕື່ມອີກ.
ທ່ານພ່ານເວີ້ຍ ຮອງຫົວໜ້າພະແນກຄົມມະນາຄົມເຂດປົກຄອງຕົນເອງເຜົ່າຈ້ວງກວງຊີກ່າວວ່າ,ເພື່ອເພີ່ມທະວີການຮ່ວມມືດ້ານທ່າກຳປັ່ນແລະການຂົນສົ່ງທາງທະເລລະຫວ່າງເຂດກວງຊີກັບປະເທດອາຊຽນຕື່ມອີກ,ພະແນກຄົມມະນາຄົມແລະພະແນກຄຸ້ມຄອງທ່າກຳປັ່ນແລະການເດີນເຮືອເຂດກວງຊີມີແຜນຈະໄປ 5 ປະເທດອາຊຽນຄືຫວຽດນາມ ມາເລເຊຍ ສິງກະໂປ ອິນໂດເນເຊຍແລະຟີລິບປິນກ່ອນທ້ານປີນີ້,ເພື່ອດຳເນີນການປຶກສາຫາລືຮອບທຳອິດ.
ທ່ານພ່ານເວີ້ຍຊີ້ອອກວ່າ,ຜ່ານຈາກການຮ່ວມມືພັດທະນາ,ເຂດກວງຊີມີຄວາມອາດສາມາດຢ່າງແນ່ນອນເພື່ອເຮັດໃຫ້ປະລິມານຂົນຖ່າຍສິນຄ້າຂອງທ່າກຳປັ່ນແຄມທະເລ 3 ແຫ່ງຄືຊີ່ນໂຈ່ວ ຟາງເຊິງກ່າງແລະເປໄຫເພີ່ມຂຶ້ນຮອດ 100 ລ້ານໂຕນເມື່ອຮອດປີ 2010,ແລະເພີ່ມຂຶ້ນຮອດ 300 ລ້ານໂຕນເມື່ອຮອດປີ 2020.
|
|
|
