|
|
 |
| (GMT+08:00)
2007-10-26 20:12:30
|
 |
|
ເອກອັກຄະລັດຖະທູດຈີນປະຈຳສ.ເກົາຫຼີບັນລະຍາຍຄວາມເຫັນກ່ຽວກັບບັນຫາກົນໄກສັນຕິພາບຂອງແຫຼມເກົາຫຼີ
cri
Author: cai
ຕາມຂ່າວCRI:ວັນທີ 26 ຕຸລານີ້,ໃນ"ງານສຳມະນາກ່ຽວກັບການສ້າງກົນໄກສັນຕິພາບແຫຼມເກົາຫຼີ"ທີ່ຈັດຂຶ້ນຢູ່ເຊອຸນ,ທ່ານນີ້ງຟູ້ຄູຍ ເອກອັກຄະລັດຖະທູດຈີນປະຈຳສ.ເກົາຫຼີໄດ້ບັນລະຍາຍຄວາມເຫັນຫຼາຍຂໍ້ກ່ຽວກັບບັນຫາສ້າງກົນໄກສັນຕິພາບແຫຼມເກົາຫຼີ.
ທ່ານນີ້ງຟູ້ຄູຍເຫັນວ່າ,ການສ້າງກົນໄກສັນຕິພາບແຫຼມເກົາຫຼີຄວນພິຈາລະນາຫຼາຍຂໍ້ດັ່ງລຸ່ມນີ້.ກ່ອນອື່ນ,ເມື່ອພິຈາລະນາຈາກຖານະປະຫວັດສາດແລະການພົວພັນຕົວຈິງແລ້ວເຫັນວ່າ,ສ.ເກົາຫຼີ ສ.ປ.ປ.ເກົາຫຼີ ຈີນແລະອາເມລິກາແມ່ນຝ່າຍທີ່ກ່ຽວຂ້ອງໂດຍກົງໃນການສ້າງກົນໄກສັນຕິພາບແຫຼມເກົາຫຼີ.ສອງ,ການສ້າງກົນໄກສັນຕິພາບແຫຼມເກົາຫຼີຕ້ອງການລົບລ້າງສົງຄາມເຢັນທຸກຮູບການຈາກດ້ານກົກຮາກ.ນອກນີ້,ຄວນພິຈາລະນາສັງລວມເຖິງຜົນປະໂຫຍດຂອງຝ່າຍຕ່າງໆທີ່ກ່ຽວຂ້ອງ,ພະຍາຍາມສະແຫວງຫາຜົນທີ່ຕ່າງຝ່າຍຕ່າງມີຜົນປະໂຫຍດທີ່ຝ່າຍຕ່າງໆລ້ວນແຕ່ຮັບເອົາໄດ້.
ທ່ານນີ້ງຟູ້ຄູຍຍັງກ່າວວ່າ,ພາຍໃຕ້ຄວາມພະຍາຍາມຮ່ວມຂອງຝ່າຍຕ່າງໆທີ່ກ່ຽວຂ້ອງ,ສະຖານະການແຫຼມເກົາຫຼີພວມມີການປ່ຽນແປງທີ່ເລິກເຊິ່ງແລະສຳຄັນ,ນີ້ແມ່ນໂອກາດຍຸດທະສາດສຳຄັນໃນການສ້າງກົນໄກສັນຕິພາບແຫຼມເກົາຫຼີ.ໃນຂະບວນການນີ້,ຝ່າຍຈີນຈະເຮັດຄືແຕ່ເກົ່າເມືອຫຼັງສືບຕໍ່ເສີມຂະຫຍາຍບົດບາດອັນຕັ້ງໜ້າແລະມີລັກສະນະສ້າງສັນ,ແລະຍິນດີຮັກສາການພົວພັນ ປະສານງານແລະຮ່ວມມືຢ່າງແໜ້ນແຟ້ນກັບຝ່າຍຕ່າງໆທີ່ກ່ຽວຂ້ອງ.
|
|
|
