|
ຕາມຂ່າວສານຊິນຮວາ: ນັບມາຮອດປັດຈຸບັນ, ຈີນໄດ້ປະກາດມາດຕະຖານແຫ່ງລັດທີ່ກ່ຽວພັນກັບຄວາມປອດໄພຂອງອາຫານ 960 ກວ່າລາຍ, ແລະມາດຕະຖານຂອງຂະແໜງການອາຫານ 2900 ກວ່າລາຍ.
ໃນກອງປະຊຸມລະດັບລັດຖະມົນຕີກວດກາຄຸນນະພາບຈີນ-ອາຊຽນ ທີ່ຈັດຂຶ້ນຢູ່ນະຄອນນານນິງເຂດກວາງຊີຈີນ, ທ່ານເວີ້ຍສວນຈົ່ງ ຮອງຫົວໜ້າກົມໃຫຍ່ຕິດຕາມກວດກາຄຸນນະພາບແລະກວດພະຍາດແຫ່ງຊາດຈີນກ່າວວ່າ, ນອກຈາກໄດ້ຈໍ່ຕົວເປັນລະບົບມາດຕະຖານຄຸນນະພາບ ຄວາມປອດໄພທີ່ມີຄົບທຸກຂະແໜງການ ແລະມີອົງປະກອບສົມເຫດສົມຜົນໂດຍທຽບຖານ ໃນເບື້ອງຕົ້ນ, ແລະມີກົດໝາຍ 11 ສະບັບ ແລະ ກົດລະບຽບ 22 ສະບັບ ທີ່ກ່ຽວພັນເຖິງຄຸນນະພາບຂອງຜະລິດຕະພັນ ແລະ ຄວາມປອດໄພຂອງອາຫານແລ້ວ. ຈີນຍັງໄດ້ສ້າງລະບົບຢືນຢັນແລະຮັບຮອງອາຫານແລະຜະລິດຕະພັນກະສິກຳ ຈາກການຜະລິດຮອດການປຸ່ງແຕ່ງ.
ທ່ານເວີ້ຍສວນຈົ່ງກ່າວວ່າ, ລັດຖະບານຈີນໄດ້ເອົາໃຈໃສ່ໃນລະດັບສູງນຳວຽກງານກ່ຽວກັບຄຸນນະພາບຂອງຜະລິດຕະພັນແລະຄວາມປອດໄພຂອງອາຫານຕະຫຼອດມາ, ຍຶດໝັ້ນຈັດຕັ້ງປະ ຕິບັດຍຸດທະສາດການພັດທະນາເສດຖະກິດທີ່ເອົາຊະນະດ້ວຍຄຸນນະພາບ, ກົດໝາຍ ກົດລະບຽບ ມາດຕະຖານ ແລະ ລະບົບຢືນຢັນແລະຮັບຮອງທີ່ສົມບູນໃນການກວດກາຄຸນນະພາບ ຂອງຜະລິດຕະພັນແລະຄວາມປອດໄພຂອງອາຫານ, ໄດ້ສ້າງພື້ນຖານອັນໝັ້ນແກ່ນແລະ ສະພາບແວດລ້ອມອັນດີງາມໃຫ້ແກ່ການຮັບປະກັນຄວາມປອດໄພຂອງອາຫານ ຍົກລະດັບຄຸນນະພາບໃຫ້ສູງຂຶ້ນ ແລະເຮັດໃຫ້ລະບຽບການຄ້າສົ່ງອອກແລະນຳເຂົ້າເປັນລະບຽບແບບແຜນ.
|
