|
ຕາມຂ່າວສານຊິນຮວາ:ວັນທີ 29 ຕຸລານີ້,ຢູ່ທີ່ເມືອງຄຸນມິງ,ທ່ານຫງວຽນເຕິນຢຸງ ນາຍົກລັດ ຖະມົນຕີຫວຽດນາມທີ່ພວມຢ້ຽມຢາມຢູ່ແຂວງຢຸນນານຂອງຈີນໄດ້ກ່າວວ່າ,ໃນຫຼາຍປີມານີ້, ການຄ້າລະຫວ່າງຫວຽດນາມກັບຈີນໄດ້ເພີ່ມຂຶ້ນຢ່າງວ່ອງໄວຫຼາຍກວ່າເກົ່າ,ຄາດຫມາຍທີ່ຜູ່ນຳທັງສອງໄດ້ຮ່ວມກຳນົດໄວ້ວ່າມູນຄ່າການຄ້າຂອງສອງປະເທດຈະມີເຖິງ 15 ຕື້ໂດລາເມື່ອຮອດປີ 2010ນັ້ນຄາດວ່າຈະບັນລຸຜົນເປັນຈິງຕາມເວລາທີ່ກຳນົດໄວ້.
ໃນເວລາພົບປະເຈົ້າຫນ້າທີ່ຂອງທ້ອງຖິ່ນແຂວງຢຸນນານນັ້ນ,ທ່ານຫງວຽນເຕິນຢຸງກ່າວວ່າ,ໃນ 9 ເດືອນຕົ້ນປີນີ້,ມູນຄ່າການຄ້າຂອງຫວຽດ ນາມຈີນໄດ້ມີເຖິງ 10 ຕື້ 700 ລ້ານໂດລາ,ຄາດວ່າຈະບັນລຸເຖິງ 13 ຕື້ໂດລາໃນຫມົດປີນີ້.ໃນການພັດທະນາຂອງການຄ້າລະຫວ່າງຫວຽດນາມກັບຈີນ,ແຂວງຢຸນນານຂອງຈີນທີ່ໃກ້ກັບຫວຽດນາມໄດ້ສົ່ງເສີມບົດບາດອັນຕັ້ງ ຫນ້າ,ຫວຽດນາມຈະເພີ່ມທະວີການຮ່ວມມືກັນກັບແຂວງຢຸນນານໃນຂົງເຂດການຄ້າແລະການທ່ອງທ່ຽວຕື່ມອີກ.
|
