|
|
 |
| (GMT+08:00)
2007-10-30 18:37:55
|
 |
|
ງານເອັສໂປທຸລະກິດແລະການລົງທຶນວິສາຫະກິດຂະໜາດກາງແລະນ້ອຍຂອງກອງປະຊຸມອາຊີເອີລົບຈັດຂຶ້ນຢູ່ເມືອງຊິ່ງຕາວຂອງຈີນ
cri
Author: m
ຕາມຂ່າວສານຈີນ: ວັນທີ 29 ຕຸລານີ້, ງານເອັສໂປທຸລະກິດແລະການລົງທຶນວິສາຫະກິດຂະໜາດກາງແລະນ້ອຍຂອງກອງປະຊຸມອາຊີເອີລົບໂດຍມີກະຊວງການຄ້າຈີນເປັນເຈົ້າພາບໄດ້ຈັດຂຶ້ນຢູ່ເມືອງຊິ່ງຕາວຂອງຈີນ.
ຂ່າວແຈ້ງວ່າການຈັດງານເອັສໂປທຸລະກິດແລະການລົງທຶນວິສາຫະກິດຂະໜາດກາງແລະນ້ອຍຂອງກອງປະຊຸມອາຊີເອີລົບແມ່ນຂໍ້ລິເລີ່ມທີ່ທ່ານເວີ່ນເຈ່ຍປາວ ນາຍົກລັດຖະມົນຕີຈີນສະເໜີອອກໃນກອງປະຊຸມສຸດຍອດອາຊີເອີລົບຄັ້ງທີ 6 ທີ່ຈັດຂຶ້ນໃນເດືອນກັນຍາປີກາຍນີ້. ງານເອັສໂປເທື່ອນີ້ຈະດຳເນີນເປັນເວລາ 4 ວັນ, ມີຫົວຂໍ້ວ່າ: ຊຸກຍູ້ທຸລະກິດແລະການລົງທຶນຂອງວິສາຫະກິດຂະໜາດກາງແລະນ້ອຍຂອງອາຊີເອີລົບ, ເນື້ອໃນຕົ້ນຕໍລວມທັງງານວາງສະແດງ, ເວທີປາໄສພັດທະນາວິສາຫະກິດກາງແລະນ້ອຍ, ການເປິກສາຫາລືການລົງທຶນແລະທຸລະກິດ, ການເປິກສາຫາລືການຈັດຊື້ສາກົນ, ງານອະທິບາຍ, ສະພາບແວດລ້ອມ ແລະນະໂຍບາຍການລົງທຶນເປັນຕົ້ນ.
ຂ່າວແຈ້ງອີກວ່າ, ເທື່ອນີ້ຈະມີວິສາຫະກິດຂະໜາດກາງແລະນ້ອຍ 600 ກວ່າແຫ່ງເຂົ້າຮ່ວມການວາງສະແດງ, ນັກທຸລະກິດຈັດຊື້ຂອງຈີນແລະຕ່າງປະເທດຮ້ອຍກວ່າແຫ່ງໄປຈັດຊື້ສິນຄ້າ, ນັກລົງທຶນເກືອບຮ້ອຍແຫ່ງໄປເຂົ້າຮ່ວມການເປິກສາຫາລືການລົງທຶນ.
|
|
|
