|
ຈີນກ່າວວ່າ, ການແກ້ໄຂບັນຫານິວເຄຼຍອີຣານດ້ວຍສັນຕິວິທີແມ່ນການຄັດເລືອກທີ່ດີກວ່າໝູ່
cri
ຕາມຂ່າວ cri: ວັນທີ 30 ຕຸລານີ້, ໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ປັກກິ່ງ, ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ, ຝ່າຍຈີນເຫັນວ່າ, ການແກ້ໄຂບັນຫານິວເຄຼຍອີຣານດ້ວຍສັນຕິວິທີໂດຍຜ່ານການເຈລະຈາແມ່ນການຄັດເລືອກທີ່ດີກວ່າໝູ່, ແລະກໍ່ສອດຄ່ອງກັບຜົນປະໂຫຍດຮ່ວມກັນຂອງປະຊາຄົມໂລກ.
ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ, ທ່ານລິວຈ້ຽນຊ່າວກ່າວຢ້ຳວ່າ, ຝ່າຍຈີນມີເຈດຈຳນົງຢ່າງສະເໝີຕົ້ນສະເໝີປາຍວ່າ, ບໍ່ຄວນຢູ່ບໍ່ຢູ່ກໍໃຊ້ມາດຕະການລົງໂທດຢ່າງຊະຊາຍໃນການພົວພັນສາກົນ. ປະຈຸບັນ, ຝ່າຍຕ່າງໆທີ່ກ່ຽວຂ້ອງກຳລັງສະແຫວງຫາການແກ້ໄຂບັນຫານິວເຄຼຍຂອງອີຣານໂດຍຜ່ານການເຈລະຈາກັບຝ່າຍອີຣານ. ທ່ານກ່າວວ່າ, ໃນເວລານີ້, ຍິ່ງຄວນຫຼີກເວັ້ນບໍ່ໃຫ້ໃຊ້ມາດຕະການລົງໂທດ, ເພື່ອຫຼີກເວັ້ນບໍ່ໃຫ້ບັນຫາສັບສົນຂຶ້ນ.
|
|
