|
|
 |
| (GMT+08:00)
2007-10-31 20:38:22
|
 |
|
ຈີນກັບ 10 ປະເທດອາຊຽນປະກາດ "ຂໍ້ລິເລີ່ມນານນິງ"ກ່ຽວກັບການຮ່ວມມືຫຼຸດຜ່ອນຄວາມທຸກຍາກ
cri
ຕາມຂ່າວ CRI: ວັນທີ 31 ຕຸລານີ້, ເວທີປາໄສການພັດທະນາສັງຄົມແລະຫຼຸດຜ່ອນຄວາມທຸກຍາກຈີນອາຊຽນຄັ້ງທຳອິດທີ່ຈັດຂຶ້ນຢູ່ເມືອງນານນິງ ພາກຕາເວັນຕົກສຽງໃຕ້ຂອງຈີນນັ້ນໄດ້ສິ້ນສຸດລົງ, ຈີນກັບບັນດາປະເທດອາຊຽນໄດ້ປະກາດ"ຂໍ້ລິເລີ່ມນານນິງ" ກ່ຽວກັບການຮ່ວມມືຫຼຸດຜ່ອນຄວາມທຸກຍາກ, ເພື່ອເກາະແຂນກັນຊຸກຍູ້ການພັດທະນາສັງຄົມແລະຫຼຸດຜ່ອນຄວາມທຸກຍາກ.
ຂໍ້ລິເລີ່ມຂຽນວ່າ, ການຊຸກຍູ້ຂະບວນການຫຼຸດຜ່ອນຄວາມທຸກຍາກແລະພັດທະນາສັງຄົມຂອງປະເທດອາຊຽນແລະຈີນ, ບັນລຸການພັດທະນາຢ່າງສະໝ່ຳສະເໝີກັນພາຍໃນປະເທດຕ່າງໆແລະລະຫວ່າງປະເທດຕ່າງໆໃນພາກພື້ນນີ້, ບໍ່ພຽງແຕ່ແມ່ນວຽກງານຂອງຜູ້ວາງນະໂຍບາຍ, ນັກຄົ້ນຄວ້າທິດສະດີແລະຜູ້ປະຕິບັດຕົວຈິງຂອງປະເທດອາຊຽນແລະຈີນ, ຍິ່ງຕ້ອງການປະເທດທີ່ພັດທະນາແລ້ວ, ອົງການຊ່ອຍເຫຼືອຫຼາຍຝ່າຍແລະສອງຝ່າຍຕ່າງໆພາຍໃນແລະນອກພາກພື້ນນີ້ເຂົ້າຮ່ວມພ້ອມກັນ. ຂໍ້ລິເລີ່ມຮຽກຮ້ອງໃຫ້ອົງການສາກົນທີ່ກ່ຽວຂ້ອງເພີ່ມທະວີການລົງທຶນຕໍ່ໂຄງການຫຼຸດຜ່ອນຄວາມທຸກຍາກແລະພັດທະນາສັງຄົມຂອງປະເທດທີ່ພວມພັດທະນາຕື່ມອີກ.
|
|
|
