|
ສະຫະພັນສະມາຄົມພາກພື້ນສີຂຽວສາກົນສ້າງຕັ້ງຂຶ້ນຢູ່ເມືອງໂລຊານຂອງສວິສ
cri
ຕາມຂ່າວສານຊິ່ນຮວາ: ວັນທີ 31 ຕຸລານີ້, ສະຫະພັນສະມາຄົມພາກພື້ນສີຂຽວສາກົນໄດ້ສ້າງຕັ້ງຂຶ້ນຢູ່ເມືອງໂລຊານຂອງສວິສຢ່າງເປັນທາງການ, ຜູ້ແທນທີ່ມາຈາກ 10 ກວ່າປະເທດແລະເຂດແຄ້ວນ ເຊັ່ນ: ສວິສ, ຈີນ, ອີຕາລີແລະຝະຣັ່ງເປັນຕົ້ນໄດ້ເຂົ້າຮ່ວມພິທີສ້າງຕັ້ງສະຫະພັນ.
ໃນພິທີສ້າງຕັ້ງ, ທ່ານດານີເອນ ເບຼລັສ ປະທານສະຫະພັນ, ເຈົ້າຄອງເມືອງໂລຊານກ່າວວ່າ, ວັດຖຸປະສົງຂອງສະຫະພັນແມ່ນສ້າງສະຫະພັນໃຫ້ກາຍເປັນເວທີສາກົນທີ່ມີໂຄງການຮ່ວມມືເປັນໃຈກາງ, ຊ່ອຍເຫຼືອສະມາຊິກຂອງສະຫະພັນແບ່ງປັນບົດຮຽນຜົນສຳເລັດແຫ່ງການພັດທະນາແບບຍືນຍົງ, ນຳໃຊ້ເຕັກນິກສິ່ງແວດລ້ອມທີ່ກ້າວໜ້າທີ່ສຸດຫຼຸດຜ່ອນປະກົດການອາຍພິດເຮືອນແກ້ວແລະມົນລະພິດຕໍ່ສິ່ງແວດລ້ອມ, ຮັກສາໃຫ້ເສດຖະກິດໃນພາກພື້ນພັດທະນາແບບຍືນຍົງແລະປອດໄສແລະຍົກສູງຄຸນນະພາບຊີວິດການເປັນຢູ່ໃນພາກພື້ນ.
|
|
