|
|
 |
| (GMT+08:00)
2007-11-02 18:44:46
|
|
ສະຫະປະຊາຊາດຕັ້ງສູນຕິດຕາມກວດກາຄຸນນະພາບການສຶກສາທົ່ວປວງຊົນແຫ່ງທຳອິດຢູ່ຈີນ
cri
ຕາມຂ່າວສານຊິ່ນຮວາ: ກອງປະຊຸມປະດິດສ້າງການສຶກສາສາກົນຮາງໂຈ່ວຈີນຄັ້ງທີ 5 ໄດ້ຈັດຂຶ້ນໃນວັນທີ 2 ພະຈິກນີ້, ອົງການສະຫະປະຊາຊາດເພື່ອການສຶກສາວິທະຍາສາດແລະວັດທະນະທຳຫຼື UNESCO ໄດ້ປະກາດເປັນທາງການວ່າ "ກອງປະຊຸມປະດິດສ້າງການສຶກສາສາກົນຮາງໂຈ່ວຈີນ" ແມ່ນກອງປະຊຸມປະຈຳຂອງອົງການ UNESCO. ພ້ອມກັນນັ້ນ, ອົງການດັ່ງກ່າວຍັງໄດ້ຕັ້ງສູນຕິດຕາມກວດກາຄຸນນະພາບການສຶກສາທົ່ວປວງຊົນຢູ່ເມືອງເຊ້ຍເຊີງນະຄອນຮາງໂຈ່ວເຊິ່ງເປັນແຫ່ງທຳອິດຢູ່ຈີນ.
ສູນຕິດຕາມກວດກາແຫ່ງນີ້ແມ່ນອົງການຕິດຕາມກວດກາຄຸນນະພາບການສຶກສາລັກສະນະພາກພື້ນພຽງແຫ່ງດຽວຂອງຈີນໃນປະຈຸບັນ, ມີຈຸດປະສົງເພື່ອຄົ້ນຄວ້າແລະສ້າງລະບົບຕີລາຄາແລະກວດກາຄຸນນະພາບການສຶກສາທົ່ວປວງຊົນ, ເພື່ອຊ່ອຍໃຫ້ຊອກຫາພະລັງຊຸກຍູ້ການພັດທະນາການສຶກສາຕື່ມອີກແລະຊ່ອງທາງວິທະຍາສາດເພື່ອຍົກສູງຄຸນນະພາບການສຶກສາຢ່າງບໍ່ຢຸດຢັ້ງ.
|
|
|
