|
ປັກກິ່ງຈະເລີ່ມປະຕິບັດມາດຕະຖານເລກIVແຫ່ງຊາດຕໍ່ການລະບາຍຄວັນລົດໃນຕົ້ນປີ2008
cri
Author: shuo
ຕາມຂ່າວສານຊິນຮວາ:ວັນທີ2ພະຈິກນີ້,ທ່ານເຟີງຢູ້ຊຽວ ຫົວໜ້າພະແນກລົດຍົນຂອງພະແນກອະນຸລັກສິ່ງແວດລ້ອມນະຄອນປັກກິ່ງກ່າວວ່າ,ອີງຕາມແຜນການ,ປັກກິ່ງຈະເລີ່ມປະຕິບັດມາດຕະຖານເລກIVແຫ່ງຊາດຕໍ່ການລະບາຍຂວັນລົດຂອງລົດຍົນໃນຕົ້ນປີ2008,ປະຈຸບັນນີ້,ພໍ່ຄ້າຈຳໜ່າຍລົດຍົນຂອງປັກກິ່ງໄດ້ກຽມພ້ອມແລ້ວ.
ທ່ານເຟີງຢູ້ຊຽວຍັງກ່າວວ່າ,ປັກກິ່ງໄດ້ຕົກລົງວ່າ,ເວລາທີ່ປະຕິບັດມາດຕະຖານເລກIVຂອງນ້ຳມັນແມ່ນວັນທີ1ມັງກອນປີ2008,ຮອດເວລານັ້ນ,ປ້ຳນ້ຳມັນທຸກບ່ອນຂອງປັກກິ່ງລ້ວນແຕ່ຈະສະໜອງນ້ຳມັນແອັດຊັງແລະນ້ຳມັນກາຊວນທີ່ໄດ້ມາດຕະຖານໃໝ່.
ນັບມາຮອດປະຈຸບັນ,ນະຄອນປັກກິ່ງໄດ້ມີລົດປະເພດຕ່າງໆຫຼາຍກວ່າ3ລ້ານ1ແສນຄັນ,ແຕ່ຍ້ອນວ່າປັກກິ່ງໄດ້ໃຊ້ມາດຕະການຕ່າງໆ ເຊັ່ນຄ່ອຍໆຍົກມາດຕະຖານລະບາຍຄວັນລົດໃຫ້ສູງຂຶ້ນ,ປະຈຸບັນນີ້,ມົນລະພິດສຳຄັນທີ່ກ່ຽວພັນເຖິງຄວັນລົດໃນອາກາດປັກກິ່ງບໍ່ພຽງແຕ່ບໍ່ໄດ້ເພີ່ມຂຶ້ນຫຼາຍໄປຕາມລົດທີ່ເພີ່ມຂຶ້ນຫຼາຍ,ຊ້ຳພັດຫຼຸດໜ້ອຍລົງ.
|
|
