|
ປີນີ້, ປະລິມານກຳລັງຕິດຕັ້ງເຄື່ອງຈັກຜະລິດໄຟຟ້າດ້ວຍພະລັງລົມຂອງຈີນຄາດວ່າຈະບັນລຸ 5 ລ້ານກິໂລວັດ
cri
ຕາມຂ່າວສານຊິ່ນຮວາ: ນັກຂ່າວໄດ້ຊາບຈາກກອງປະຊຸມພະລັງລົມສາກົນປີ 2007 ທີ່ກຳລັງຈັດຂຶ້ນຢູ່ຊຽງໄຮ້ຈີນວ່າ, ປີນີ້, ປະລິມານກຳລັງຕິດຕັ້ງເຄື່ອງຈັກຜະລິດໄຟຟ້າດ້ວຍພະລັງລົມຂອງຈີນຄາດວ່າຈະບັນລຸ 5 ລ້ານກິໂລວັດ, ບັນລຸເປົ້າໝາຍໃນ "ແຜນການພັດທະນາໄລຍະກາງແລະຍາວຂອງກົດໝາຍວ່າດ້ວຍພະລັງງານທີ່ເກີດໃໝ່ໄດ້" ຂອງຊາດໄດ້ກ່ອນເວລາກຳນົດ 3 ປີ.
ພາຍໃຕ້ການສະໜັບສະໜູນດ້ານນະໂຍບາຍຂອງລັດ, ປະຈຸບັນ, ເຂດທີ່ມີຊັບພະຍາກອນພະລັງລົມອຸດົມສົມບູນຂອງຈີນໄດ້ຕັ້ງໜ້າພັດທະນາການຜະລິດໄຟຟ້າ. ນອກນີ້, ຄຽງຄູ່ກັບການພັດທະນາຂອງອຸດສາຫະກຳຜະລິດເຄື່ອງອຸປະກອນຜະລິດໄຟຟ້າດ້ວຍພະລັງລົມຂອງຈີນໄວຂຶ້ນ, ສະພາບການທີ່ເຄື່ອງອຸປະກອນຜະລິດໄຟຟ້າດ້ວຍພະລັງລົມອາໄສແຕ່ການຊື້ຈາກຕ່າງປະເທດກໍ່ໄດ້ມີການປ່ຽນແປງຢ່າງເຖິງຖອງ. ວິສາຫະກິດຈຳນວນໜຶ່ງໄດ້ຄົ້ນຄວ້າຜະລິດເຄື່ອງອຸປະກອນຜະລິດໄຟຟ້າດ້ວຍພະລັງລົມທີ່ມີສະມັດຕະພາບສູງທີ່ມີຍີ່ຫໍ້ຂອງຕົນເອງ, ນີ້ຈະສ້າງພື້ນຖານອັນດີງາມໃຫ້ແກ່ການພັດທະນາການຜະລິດໄຟຟ້າດ້ວຍພະລັງລົມຂອງຈີນແລະຫຼຸດຕົ້ນທຶນການຜະລິດໄຟຟ້າດ້ວຍພະລັງລົມໃຫ້ໜ້ອຍລົງ.
|
|
