|
|
 |
| (GMT+08:00)
2007-11-02 20:37:16
|
 |
|
ຈີນແລະອາຊຽນຫາລືການຮ່ວມມື
cri
ຕາມຂ່າວສານຊິ່ນຮວາ: ວັນທີ 2 ພະຈິກນີ້, ເວທີປາໄສສື່ມວນຊົນຈີນແລະອາຊຽນຄັ້ງທີ 2 ໄດ້ຈັດຂຶ້ນຢູ່ກິ່ງແຂວງເຜົ່າໄທລື້ສິບສອງພັ່ນນາ ແຂວງຢຸນນານພາກຕາເວັນຕົກສຽງໃຕ້ຂອງຈີນ, ບຸກຄົນໃນວົງການສື່ມວນຊົນຈາກຈີນແລະບັນດາປະເທດອາຊຽນເຕົ້າໂຮມກັນຢູ່ນີ້ເພື່ອຫາລືບັນຫາຕ່າງໆ, ເຊັ່ນ: ລົງເລິກການແລກປ່ຽນແລະການຮ່ວມມືລະຫວ່າງສື່ມວນຊົນຂະແໜງຕ່າງໆແລະສ້າງເວທີແລກປ່ຽນຂໍ້ມູນຂ່າວສານທາງອິນເດິເນັດເປັນຕົ້ນ.
ຜູ້ແທນສື່ມວນຊົນເກືອບ 40 ແຫ່ງທີ່ມາຈາກຈີນແລະອາຊຽນໄດ້ເຂົ້າຮ່ວມເວທີປາໄສເທື່ອນີ້, ຫົວຂໍ້ຂອງເວທີປາໄສເທື່ອນີ້ແມ່ນ "ສົ່ງເສີມວັດທະນະທຳຊົນຊາດ, ຊຸກຍູ້ການພັດທະນາຂອງພາກພື້ນ, ຊຸກຍູ້ການແລກປ່ຽນຂອງສື່ມວນຊົນ, ຮັບໃຊ້ການສ້າງພາກພື້ນ".
ໃນເວທີປາໄສ, ທ່ານຮານລີ້, ຮອງຫົວໜ້າສຳນັກໜັງສືພິມເວີນຮຸ້ຍຮົງກົງກ່າວວ່າ, ຈຸດປະສົງຂອງການຈັດເວທີປາໄສສື່ມວນຊົນກໍ່ແມ່ນເພື່ອບັນລຸ ຄວາມເຫັນເອກະສັນກັນກ່ຽວກັບການລົງເລິກການຮ່ວມມືແລະການແລກປ່ຽນ, ເຊິ່ງລວມທັງວຽກງານຕ່າງໆ, ເຊັ່ນ: ເຕົ້າໂຮມແຫຼ່ງທີ່ມາຂອງຂໍ້ມູນຂ່າວສານ, ສ້າງບ່ອນແລກປ່ຽນຂໍ້ມູນຂ່າວສານທາງອິນເດິເນັດເປັນຕົ້ນ, ປະກອບສ່ວນຫຼາຍກວ່າເກົ່າເພື່ອຊຸກຍູ້ການພັດທະນາເຂດການຄ້າເສລີຈີນອາຊຽນ.
|
|
|
