ຕາມ​ຂ່າວສານ​ຊິນ​ຮວາ: ຫວ່າງ​ບໍ່​ດົນ​ນີ້, ການ​ແປ "ປະມວນໜັງສື​ຜູກໃບ​ລານ​ຈີນ" ​ແຕ່​ຜູກ​ທີ 1 ຫາ​ຜູກ​ທີ 83 ​ໄດ້​ສຳ​ເລັດ​ແລ້ວ, ​ໃນ​ນັ້ນ ຜູກ​ທີ 1 ຫາ​ຜູກ​ທີ 30 ​ໄດ້​ພິມ​ຈຳ​ໜ່າຍ​ແລ້ວ.

ຄຳ​ພີ​ໃບ​ລານ ​ແມ່ນ​ໜັງສື​ຜູກສາສະໜາ​ພຸດ​ທີ່​ຂຽນ​​ໃສ່​ໃບ​ລານ ​ເຊິ່ງ​ແມ່ນ​ພືດ​ທີ່​ເຕີບ​ໃຫຍ່​ຢູ່​ແຖບ​ຮ້ອນ ​ໂດຍ​ຜ່ານ​ການ​ຄວັດ​ຂຽນດ້ວຍ​ກຳມະ​ວິທີ​ພິ​ເສດ, ​ແມ່ນພືດ​ລ້ຳ​ຄ່າ ທີ່​​ເກີດ​ຢູ່​ກິ່ງ​ແຂວງ​ສິບ​ສອງ​ພັ່ນ​ນາ ທາງ​ພາກ​​ໃຕ້​ຂອງ​ຈີນ ​ແລະ ຫຼາຍປະ​ເທດ​ແລະ​ເຂດ​ແຄວ້ນ​ອາຊີ​ໃຕ້​ແລະອາຊີ​ອາຄະ​ເນ. ປີ 2002, ອຳນາດ​ການ​ປົກຄອງ​ກິ່ງ​ແຂວງ​ສິບ​ສອງ​ພັ່ນ​ນາ ​ໄດ້​ຮ່ວມ​ມື​ກັບ​ສູນ​ຄົ້ນຄວ້າ​ວັດທະນະທຳ​ໃບ​ລານ​ມະຫາວິທະຍາ​ໄລ​ຢຸນນານ, ​ເລີ່​ມດຳ​ເນີນ​ການ​ອະ​ນຸ​ລັກ "ວັດທະນະທຳ​​ເທິງ​ໃບ​ໄມ້​ຂອງເຜົ່າ​ລື້", ​ເລີ່​ມ​ແປ​ແລະ​​ເຮັດ​ເປັນ​ປື້​ມ "ປະ​ມວນ​ໜັງ​ສື​ຜູກ​ໃບ​ລານ​ຈີນ" 100 ຜູກ. ມີ​ນັກວິຊາການ​ເຜົ່າ​ລື້ ພະ​ເຖລະ ​ແລະ​ນັກວິ​ຊາ​ການ​ເຜົ່າ​ຮັ້ນ​ຂອງ​ຈີນ ​ໄດ້​ເຂົ້າ​ຮ່ວມ​ວຽກ​ງານ​ການ​ແປ.