ຕາມ​ຂ່າວສານ​ຊິນ​ຮວາ: ວັນ​ທີ 3 ພະຈິກ​ນີ້ ບໍລິສັດ​ການບິນ​ນະຄອນ​ເຊີ່ນ​ເຈີ້ນ​ຈີນ​ໄດ້​ຈັດ​ພິ​ທີ​ເປີດ​ຖ້ຽວບິນ​ໂດຍ​ກົງ ​ແຕ່ນະຄອນ​ນານ​ນິງຫາ​ສິງກະ​ໂປ​ຖ້ຽວ​ທຳ​ອິດ ຢູ່​ສະ​ໜາມ​ບິນ​ສາ​ກົນ​ອູ​ຊີ່​ນະຄອນ​ນານ​ນິງ​ເຂດ​ກວາງຊີ​ຈີນ; ວັນ​ທີ 4 ພະຈິກ​ນີ້, ໄດ້​ເປີດຖ້ຽວ​ບິນ​ໂດຍ​ກົງ​ແຕ່​ນະ​ຄອນ​ນານ​ນິງຫານະຄອນ​ຫຼວງກົວ​ລາ​ລຳ​ເປີ​ຂອງ​ມາ​ເລ​ເຊຍຖ້ຽວ​ທຳ​ອິດ, ອັນ​ໄດ້​ເຮັດ​ໃຫ້​ນະ​ຄອນ​ນານ​ນິງ​ໄດ້ມີ​ຖ້ຽວບິນ​ທີ່​ບິນ​ໄປ​ສູ່​ບັນດາ​ປະ​ເທດ​ອາ​ຊຽນ​ໂດຍ​ກົງ​ແລ້ວ.

ນອກ​ນີ້, ຖ້ຽວບິນ​ລະຫວ່າງ​ນະຄອນ​ນານ​ນິງຫາ​ນະຄອນຫຼວງ​ມາ​ນີລາຂອງ​ຟິລິບ​ປິນ ນະ​ຄອນ​ນານ​ນິງກັບ​ຈາ​ກາກ​ຕາຂອງ​ອິນ​ໂດ​ເນ​ເຊຍ ກໍຈະ​ເປີດ​ຖ້ຽວ​ທຳ​ອິດ​ໃນ​ວັນ​ທີ 26 ​ແລະ​ວັນ​ທີ 27 ພະ​ຈິກ​ນີ້.