|
|
 |
| (GMT+08:00)
2007-11-07 17:46:25
|
 |
|
ກອງປະຊຸມມໍລະດົກທຳມະຊາດໂລກຄັ້ງທີ 3 ຈະຈັດຂຶ້ນຢູ່ຈີນເປັນເທື່ອທຳອິດ
cri
ຕາມຂ່າວສານຊິ່ນຮວາ: ວັນທີ 6 ພະຈິກນີ້, ກອງປະຊຸມມໍລະດົກໂລກຄັ້ງທີ 3 ທີ່ສູນມໍລະດົກໂລກຂອງອົງການຢູເນັສໂກ UNESCO ແລະກະຊວງກໍ່ສ້າງຈີນຮ່ວມກັນເປັນເຈົ້າພາບໄດ້ໄຂຂຶ້ນຢູ່ພູເອີເມີຍແຂວງເຊສວນພາກຕາເວັນຕົກຂອງຈີນ. ນີ້ແມ່ນເທື່ອທຳອິດທີ່ຈີນຈັດກອງປະຊຸມມໍລະດົກທຳມະຊາດໂລກ.
ກອງປະຊຸມເທື່ອນີ້ດຳເນີນໄປເປັນເວລາ 3 ວັນ, ຜູ້ແທນ 400 ກວ່າຄົນທີ່ມາຈາກອົງການ UNESCO ແລະ 30 ກວ່າປະເທດແລະເຂດແຄ້ວນ, ເຊັ່ນ: ອາເມລິກາ, ຍີ່ປຸ່ນ, ຈີນເປັນຕົ້ນໄດ້ເຂົ້າຮ່ວມ.
ຜູ້ຮັບຜິດຊອບທີ່ກ່ຽວຂ້ອງຂອງກະຊວງກໍ່ສ້າງຈີນກ່າວວ່າ, ລັດຖະບານຈີນເອົາໃຈໃສ່ແລະສະໜັບສະໜູນວຽກງານມໍລະດົກໂລກຢ່າງສະເໝີຕົ້ນສະເໝີປາຍ, ນັບແຕ່ໄດ້ເຂົ້າຮ່ວມ "ສົນທິສັນຍາຮັກສາມໍລະດົກວັດທະນະທຳແລະທຳມະຊາດໂລກ" ໃນປີ 1985 ມານີ້, ຈີນໄດ້ທຳຄວາມພະຍາຍາມໃນດ້ານວຽກງານປ້ອງກັນແລະຄຸ້ມຄອງແບບວິທະຍາສາດຕໍ່ມໍລະດົກໂລກ ຕະຫຼອດມາ, ຫວັງວ່າ, ກອງປະຊຸມເທື່ອນີ້ຄົງຈະຄົ້ນພົບເສັ້ນທາງພັດທະນາໃໝ່ໃຫ້ແກ່ວຽກງານປົກປັກຮັກສາມໍລະດົກທົ່ວໂລກ.
|
|
|
