|
ບັນດິດສະພາບັນດິດວິທະຍາສາດຈີນເວົ້າວ່າ, ການສຳຫຼວດອະວະກາດທາງໄກຂອງມະນຸດຈະຖື "ດວງຈັນ-ດາວອັງຄານ" ເປັນວຽກງານຕົ້ນຕໍ
cri
ຕາມຂ່າວສານຊິ່ນຮວາ: ວັນທີ 7 ພະຈິກນີ້, ຢູ່ທີ່ປັກກິ່ງ, ທ່ານໂອ່ຢາງຈື້ຢວນ ບັນດິດສະພາບັນດິດວິທະຍາສາດຈີນ, ນັກວິທະຍາສາດຜູ້ທີໜຶ່ງແຫ່ງວິທະຍາສາດປະຍຸກຂອງໂຄງການສຳຫຼວດດວງຈັນກ່າວວ່າ, ການສຳຫຼວດອະວະກາດທາງໄກທີ່ຖື "ດວງຈັນ-ດາວອັງຄານ" ເປັນຕົ້ນຕໍຈະກາຍເປັນການເຄື່ອນໄຫວຕົ້ນຕໍດ້ານວິທະຍາສາດເຕັກນິກການບິນອະວະກາດຂອງມວນມະນຸດໃນອະນາຄົດ.
ຍ້ອນຂົງເຂດອະວະກາດທີ່ມະນຸດສາມາດສຳຫຼວດໄດ້ໃນປະຈຸບັນຍັງຈຳກັດຢູ່ໃນລະບົບສຸລິຍະຈັກກະວານ, ສະນັ້ນ, ການສຳຫຼວດອະວະກາດທາງໄກຈຶ່ງເອີ້ນວ່າ "ການສຳຫຼວດລະບົບສຸລິຍະຈັກກະວານ". ທ່ານໂອ່ຢາງຈື້ຢວນເວົ້າວ່າ, ການສຳຫຼວດອະວະກາດທາງໄກໄດ້ກາຍເປັນຫົວຂໍ້ແຂ່ງຂັນຂອງການພັດທະນາວິທະຍາສາດເຕັກນິກການບິນອະວະກາດໃນສະຕະວັດທີ 21, ມະນຸດຈະຖື "ດວງຈັນ-ດາວອັງຄານ" ເປັນວຽກຕົ້ນຕໍ, ດຳເນີນການສຳຫຼວດອະວະກາດໃນລະບົບສຸລິຍະຈັກກະວານຢ່າງຮອບດ້ານ.
ການສຳຫຼວດດວງຈັນແມ່ນໂຄງການເລີ່ມຕົ້ນຂອງການສຳຫຼວດອະວະກາດທາງໄກຂອງຈີນ. ນອກນີ້, ການຄົ້ນຄວ້າແຜນການສຳຫຼວດດາວອັງຄານ, ດາວພະເຄາະນ້ອຍແລະອະວະກາດລະຫວ່າງດາວພະເຄາະກໍ່ພວມດຳເນີນຢູ່.
|
|
