|
|
 |
| (GMT+08:00)
2007-11-08 17:02:22
|
 |
|
ເວທີປາໄສເສດຖະກິດເອີລົບອາຊີປີ 2007 ຈັດຂຶ້ນຢູ່ນະຄອນຊີອານຂອງຈີນ
cri
ຕາມຂ່າວ CRI: ວັນທີ 8 ພະຈິກນີ້, ໃນເວທີປາໄສເສດຖະກິດເອີລົບອາຊີປີ 2007 ທີ່ຈັດຂຶ້ນຢູ່ນະຄອນຊີອານແຂວງຊານຊີຂອງຈີນ, ທ່ານເຈຍຊິ້ງລິນ ປະທານສະພາເປິກສາການເມືອງປະຊາຊົນຈີນກ່າວຄຳປາໄສໃນພິທີໄຂງານວ່າ, ເວທີປາໄສເສດຖະກິດເອີລົບອາຊີໄດ້ສ້າງເວທີແຫ່ງການແລກປ່ຽນແລະການຮ່ວມມືລະຫວ່າງລັດຖະບານ, ວິສາຫະກິດແລະວົງການວິຊາການໃນເອີລົບອາຊີ, ໄດ້ຊຸກຍູ້ການຮ່ວມມືພັດທະນາໄປສູ່ລວງເລິກ. ຫວັງວ່າ, ເວທີປາໄສດັ່ງກ່າວຈະສາມາດດຳເນີນການແລກປ່ຽນການເຈລະຈາຕື່ມອີກໃນອະນາຄົດເພື່ອເພີ່ມທະວີຄວາມໄວ້ເນື້ອເຊື່ອໃຈກັນ, ຕາມທ່າແຮງແລະຈຸດພິເສດຂອງເສດຖະກິດຂອງປະເທດຕ່າງໆໃນເຂດນີ້, ເລືອກເອົາພະລັງງານ, ການລົງທຶນແລະທ່ອງທ່ຽວເປັນຂົງເຂດຮ່ວມມືທີ່ສຳຄັນ, ເອົາໃຈໃສ່ນຳຜົນສຳເລັດຕົວຈິງຂອງການຮ່ວມມື, ປັບປຸງບົດບາດຂອງເວທີປາໄສໃຫ້ສົມບູນຂຶ້ນ, ເພື່ອມີຂໍ້ສະເໜີໃຫ້ແກ່ການຊຸກຍູ້ການຮ່ວມມືເສດຖະກິດ.
ໃນເວລາກ່າວຄຳປາໄສໃນພິທີໄຂງານ, ທ່ານໂບລັດ ນິວກາລິຟ ເລຂາທິການໃຫຍ່ຂອງອົງການຮ່ວມມືຊຽງໄຮ້ກ່າວວ່າ, ໃນຍຸກປະຈຸບັນທີ່ໂລກາພິວັດນັບມື້ນັບພັດທະນາລົງສູ່ລວງເລິກ, ການຮ່ວມມືລະຫວ່າງປະເທດສະມາຊິກອົງການຮ່ວມມືຊຽງໄຮ້ຕ່າງໆກຳລັງພັດທະນາຢ່າງຕັງໜ້າ.
|
|
|
