ຕາມ​ຂ່າວ CRI: ວັນ​ທີ 12 ພະຈິກ​ນີ້, ລັດຖະບານ​ຈີນ​ໄດ້​ເລີ່​ມດຳ​ເນີນ​ແຜນການ​ຮ່ວມ​ມື​ກັບ​ສາ​ກົນ​ກ່ຽວ​ກັບ​ເຕັກນິກ​ດ້ານ​ພະລັງງານ​ທີ່​ເກີດ​ຄືນ​ໃໝ່​ໄດ້​ແລະ​ພະລັງ​ງານ​ໃໝ່ ຢ່າງ​ເປັນ​ທາງ​ການ.

ແຜນການ​ດັ່ງກ່າວ​ແມ່ນ​ກະຊວງວິທະຍາສາດ​ແລະ​ເຕັກ​ໂນ​ໂລ​ຢີ​ແລະ​ຄະນະ​ກຳ​ມະ​ການ​ການ​ພັດ​ທະນາ​ແລະ​ການ​ປະຕິ​ຮູບ​ແຫ່ງ​ລັດ​ຈີນ​ຮ່ວມ​ກັນ​ປະຕິບັດ. ຕາມ​​ແຜນ​ການ​ນີ້, ຈີນ​ຈະ​ໃຫ້​ບູລິ​ມະ​ສິດ​​ໃນ​ການ​ຮ່ວມ​ມື​ກັບພາຍ​ນອກ ​ໃນ​ດ້ານ​ຜະ​ລິດ​ກະ​ໄສ​ໄຟ​ຟ້າ​ດ້ວຍແສງຕາ​ເວັນ ສິ່ງ​ກໍ່ສ້າງ​ທີ່​ໃຊ້​ພະລັງງານ​ແສງຕາ​ເວັນ ວັດຖຸ​ເຊື້ອ​ໄຟ​ຈາກ​ຊີ​ວະ​ພາບ ການ​ຜະລິດ​​ໄຟຟ້າ​ດ້ວຍ​ຊີວະ​ພາບ ​ແລະ​ການ​ຜະລິດ​ ​ໄຟຟ້າ​ດ້ວຍ​ແຮງ​ລົມ​ເປັນ​ຕົ້ນ.

​ເຈົ້າໜ້າ​ທີ່ກະຊວງວິທະຍາສາດ​ແລະ​ເຕັກ​ໂນ​ໂລ​ຢີຈີນ​ກ່າວ​ວ່າ, ການ​ປະຕິບັດ​ແຜນ​ການ​ດັ່ງ​ກ່າວ ຈະ​ຍົກ​ລະດັບ​ການ​ພັດທະນາ​ແລະ​​ເຕັກນິກ​ນຳ​ໃຊ້ພະລັງງານ​ທີ່​ເກີດ​ຄືນ​ໃໝ່​ໄດ້​ແລະ​ພະ​ລັງ​ງານ​ໃໝ່​ຂອງ​ຈີນ​ແລະ​ທົ່ວ​ໂລກ, ຫຼຸດການລະບາຍອາຍ​ພິດ​ເຮືອນ​ແກ້ວ​ໃຫ້​ໜ້ອຍ​ລົງ.