|
ຕາມຂ່າວ CRI: ວັນທີ 13 ພະຈິກນີ້ ຢູ່ທີ່ປັກກິ່ງ, ດ໊ອກເຕີເດວິດ ນາບາໂຣ ເຈົ້າໜ້າທີ່ປະສານງານຂັ້ນສູງຂອງອົງການສະຫະປະຊາຊາດກ່ຽວກັບໄຂ້ຫວັດສັດປີກ ກ່າວວ່າ, ລັດຖະບານຈີນໄດ້ທຳຄວາມພະຍາຍາມອັນໃຫຍ່ຫຼວງໃນການປ້ອງກັນແລະຄວບຄຸມໄຂ້ຫວັດສັດປີກ, ໄດ້ປະກອບສ່ວນອັນພົ້ນເດັ່ນເຂົ້າໃນການປ້ອງກັນຄວບຄຸມໄຂ້ຫວັດສັດປີກ ແລະ ການຮັບມືກັບການແຜ່ລະບາດຂະໜາດໃຫຍ່ຂອງໄຂ້ຫວັດໃນທົ່ວໂລກ.
ທ່ານນາບາໂຣຊີ້ອອກວ່າ, ໝາກຜົນທີ່ຈີນຍາດມາໄດ້ໃນການປ້ອງກັນຄວບຄຸມໄຂ້ຫວັດສັດປີກ ໃຜກໍຮັບຮູ້ນຳ, ນີ້ແມ່ນຜົນຈາກການຜັນຂະຫຍາຍປະຕິບັດນະໂຍບາຍສັກຢາກັນພະຍາດຂອງຈີນ ແລະປະຊາຊົນຈີນມີສະຕິປ້ອງກັນແລະຄວບຄຸມໄຂ້ຫວັດສັດປີກສູງຂຶ້ນຢ່າງບໍ່ຢຸດຢັ້ງ. ທ່ານກ່າວວ່າ, ຈີນໄດ້ຖືທ່າທີທີ່ເປີດເຜີຍແລະປອດໃສຕະຫຼອດມາ ໃນຂົງເຂດປ້ອງກັນແລະຄວບຄຸມພະຍາດລະບາດຮຸນແຮງຂອງສັດ ເຊັ່ນ ພະຍາດໄຂ້ຫວັດສັດປີກເປັນຕົ້ນ, ບໍ່ພຽງແຕ່ໄດ້ຊ່ວຍເຫຼືອປະເທດອາຊີແລະອາຟິຼກກາ ເຊັ່ນ ຫວຽດນາມແລະເອຢິບ ເພື່ອປ້ອງກັນແລະຄວບຄຸມການລະບາດຂອງພະຍາຍາດເທົ່ານັ້ນ, ຫາກຍັງໄດ້ຕັ້ງໜ້າເຂົ້າຮ່ວມການຮ່ວມມືສາກົນ, ນຳໃຊ້ຂໍ້ມູນກ່ຽວກັບໄວລັດຮ່ວມກັບປະຊາຄົມໂລກ, ໄດ້ປະກອບສ່ວນອັນພົ້ນເດັ່ນເຂົ້າໃນການປ້ອງກັນແລະຄວບຄຸມໄຂ້ຫວັດສັດປີກ ແລະຮັບມືກັບການແຜ່ລະບາດຂອງໄຂ້ຫວັດໃນທົ່ວໂລກ.
|
