|
ຈີນອອກແຮງພັດທະນາອຸດສາຫະກຳບໍລິການ
cri
ຕາມຂ່າວ CRI: ຫວ່າງມໍ່ໆນີ້, ຄະນະກຳມະການພັດທະນາແລະປະຕິຮູບນະຄອນປັກກິ່ງເຜີຍໃຫ້ຮູ້ວ່າ, ນະຄອນຫຼວງປັກກິ່ງຈະສືບຕໍ່ປະຕິບັດນະໂຍບາຍປະດິດສ້າງ, ຍຶດໝັ້ນກ້າວໄປຕາມເສັ້ນທາງພັດທະນາອຸດສາຫະກຳທີ່ມີລະດັບສູງແລະມີປະສິດທິພາບສູງ, ຕັ້ງໜ້າສັບຊ້ອນໂຄງປະກອບອຸດສາຫະກຳ, ອອກແຮງພັດທະນາອຸດສາຫະກຳບໍລິການທີ່ມີຜະລິດຕົວຈິງ, ບັນລຸການພັດທະນາແບບຍືນຍົງແລະປະສານສົມທົບຮອບດ້ານຂອງເສດຖະກິດແລະສັງຄົມ.
ທ່ານວາງຫາຍພິງ ຮອງປະທານຄະນະກຳມະການພັດທະນາແລະປະຕິຮູບນະຄອນປັກກິ່ງກ່າວວ່າ, ນັບແຕ່ຕົ້ນປີມານີ້, ການສັບຊ້ອນໂຄງປະກອບອຸດສາຫະກຳແລະຫັນປ່ຽນຮູບແບບພັດທະນາຂອງນະຄອນປັກກິ່ງໄດ້ຮັບຜົນຢ່າງເດັ່ນຊັດ, ທ່ວງທ່າພັດທະນາທັງດີທັງໄວໄດ້ສະແດງອອກຕື່ມອີກ, ໂຄງປະກອບພັດທະນາອຸດສາຫະກຳທີ່ມີການບໍລິການລັກສະນະການຜະລິດນຳໜ້າ, ແລະອຸດສາຫະກຳບໍລິການຫຼາຍຢ່າງເປັນການຄ້ຳຊູໄດ້ເກີດຂຶ້ນແລ້ວ. ທ່ານຍັງກ່າວວ່າ, ຕໍ່ໄປ, ນະຄອນປັກກິ່ງຍັງຈະພັດທະນາອຸດສາຫະກຳທີ່ມີຜະລິດຕະພັນຕົວຈິງທີ່ມີການເງິນ, ຂໍ້ມູນຂ່າວສານ, ວິທະຍາສາດເຕັກນິກ, ການຄ້າແລະການຈໍລະຈອນສິນຄ້າເປັນເນື້ອໃນຕົ້ນຕໍນັ້ນຕື່ມອີກ, ຊຸກຍູ້ໃຫ້ໂຄງປະກອບສູງຂຶ້ນ, ຍົກລະດັບພັດທະນາຂອງລະບົບອຸດສາຫະກຳປັກກິ່ງໃຫ້ສູງຂຶ້ນຢ່າງຮອບດ້ານ.
|
|
