ຕາມ​ຂ່າວສານ​ຊິນ​ຮວາ: ນັບ​ແຕ່​ເດືອນ​ຕຸລາ​ປີ​ນີ້​ເປັນຕົ້ນມາ, ຢູ່ 12 ​ແຂວງ​ແລະ​ເມືອງ​​ພາກ​ເໜືອ​ຫວຽດນາມ​ໄດ້​ເກີດ​ພະຍາດ​ຖືກ​ທ້ອງ​ຮຸນ​ແຮງ, ນັບ​ມາ​ຮອດ​ປັດຈຸ​ບັນ ​ໄດ້​ມີ​ປະ​ມານ 1000 ຄົນ​ຕິດພະຍາດ. ​ເພື່ອ​ປ້ອງ​ກັນ​ບໍ່​ໃຫ້​ພະຍາດ​ດັ່ງກ່າວ​ລະບາດ​ເຂົ້າ​ຈີນ, ຫວ່າງ​ມໍ່ໆ​ນີ້, ກົມ​​ໃຫຍ່ກວດກາ​ຄຸນນະພາ​ບ​ແລະກວດກາ​ພະຍາດ​​ແຫ່ງ​ຊາດ​ຈີນ​ໄດ້​ອອກ​​ແຈ້ງ​ການ, ປ້ອງ​ກັນ​ບໍ່​ໃຫ້​ພະຍາດ​ດັ່ງກ່າວຈາກ​ຫວຽດນາມ​ລະບາດ​ເຂົ້າຈີນ.

ຕາມ​​ແຈ້ງການ​ດັ່ງກ່າວ, ຄົນ​ທີ່​ມາ​ຈາກ​ຫວຽດນາມ ຖ້າ​ມີ​ອາການ​​ຮາກ​ແລະ​ຖອກ​ທ້ອງ​ເປັນ​ຕົ້ນ, ​ໃນ​ເວລາ​ເຂົ້າດ່ານຊາຍ​ແດນ ຕ້ອງລາຍ​ງານ​ຕໍ່​ອົງການ​ກວດກາ​​ພະຍາດ​ເຂົ້າ​ອອກ​ເມືອງ​ໃນ​ທັນທີ. ອົງການ​ກວດກາ​ພະຍາດ​ເຂົ້າອອກ​ເມືອງ ​ໂດຍ​ສະ​ເພາະ​ແມ່ນ​ອົງການ​ທີ່ຢູ່​ຊາຍ​ແດນ​ຕິດ​ກັບ​ຫວຽດນາມ ຕ້ອງ​ກວດກາ​ຢ່າງ​ລະອຽດ​ຕໍ່​ຄົນທີ່​ໄດ້​ລາຍ​ງານ​ ຫຼືພົບ​ເຫັນ​ຄົນ​ມີ​ອາ​ການ​ດັ່ງ​ກ່າວ, ​​ແລະ​ສາມາດ​ໃຊ້​ມາດ​ຕະການ​ທາງ​ການແພດຕາມ​ສະພາບ​ຕົວ​ຈິງ.

ກົມ​ໃຫຍ່​ກວດກາ​ຄຸນ​ນະພາ​ບ​ແລະ​ກວດກາພະຍາດ​ແຫ່ງ​ຊາດ​ຈີນ​ຍັງ​ສັ່ງ​ໃຫ້​ອົງ​ການ​ກວດກາ​​ພະຍາດ​ເຂົ້າອອກ​ເມືອງ ຕ້ອງກວດກາ​ພະຍາດ​ຕໍ່​ພາຫະ​ນະ​ຂົນ​ສົ່ງ ​ເຄຶ່ອງ​ຂອງ ຕູ້​ບັນຈຸ​ສິນຄ້າ ​ເຄື່ອງ​ເດີນທາງ​ແລະ​ຖົງ​ໄປສະນີ​ທີ່​ມາ​ຈາກ​ຫວຽດ​ນາມ, ຖ້າ​ພົບ​ເຊື້ອ​ພະ​ຍາດ​ຖອກທ້ອງ​ຮຸນ​ແຮງ ​ໃຫ້​ຂ້າ​ເຊື້ອ​ຢ່າງ​ທັນ​ການ.