ບັນຫາມຽນມາບໍ່ໄດ້ຖືກຈັດເຂົ້າວາລະປະຊຸມຂອງກອງປະຊຸມສຸດຍອດອາຊີຕາເວັນອອກ
cri
ຕາມຂ່າວ cri:ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງໃນວັນທີ 14 ພະຈິກນີ້,ທ່ານເຫີຢ້າເຟີ່ຍ ຜູ່ຊ່ວຍລັດຖະມົນຕີວ່າການກະຊວງການຕ່າງປະເທດຈີນແຈ້ງໃຫ້ຊາບວ່າ, ບັນຫາມຽນມາທີ່ໄດ້ຮັບຄວາມສົນໃຈຫລາຍນັ້ນບໍ່ໄດ້ຖືກຈັດເຂົ້າໃນວາລະປະຊຸມຂອງກອງປະຊຸມສຸດຍອດອາຊີຕາເວັນອອກທີ່ຈະຈັດຂຶ້ນຢູ່ສິງກະໂປ,ແຕ່ທ່ານກ່າວວ່າ, ໃນໄລຍະກອງປະຊຸມ, ຜູ່ນຳຂອງປະເທດຕ່າງໆຍັງອາດຈະຫາລືບັນຫາມຽນມາ.
ທ່ານເຫີຢ້າເຟີຍກ່າວ່າ, ບໍ່ວ່າຈະຫາລືດ້ວຍວິທີໃດ,ຂ່າວທີ່ສົ່ງອອກມານັ້ນກໍ່ຄວນມີຜົນດີໃຫ້ສະຖານະການມຽນມາຫັນປ່ຽນໄປສູ່ທິດຕັ້ງຫນ້າ,ມີຜົນດີຕໍ່ສະຖຽນລະພາບຍາວນານແລະການພັດທະນາເສດຖະກິດຂອງມຽນມາ.
ທ່ານກ່າວຢ້ຳວ່າ, ຍ້ອນສາເຫດທາງປະຫວັດສາດ,ບັນຫາມຽນມາບໍ່ສາມາດໄດ້ຮັບການແກ້ໄຂຢ່າງເຖິງຖອງພາຍໃນເວລາສັ້ນໆ.ຝ່າຍຈີນບໍ່ເຫັນດີທີ່ສຸດນຳການລົງໂທດ,ຝ່າຍຈີນສະຫນັບສະຫນູນເລຂາທິການໃຫຍ່ສະຫະປະຊາຊາດແລະທູດພິເສດຂອງທ່ານທີ່ໄດ້ທຳຄວາມພະຍາຍາມໄກ່ເກ່ຍ,ທ່ານກ່າວຢ້ຳວ່າ, ອະນາຄົດຂອງມຽນມາຄວນໃຫ້ປະຊາຊົນມຽນມາຕັດສິນເອົາເອງ.
|
|