|
ຕາມຂ່າວສານຊິນຮວາ: ວັນທີ 15 ພະຈິກນີ້, ຂ່າວສານຊິນຮວາຂອງຈີນ ໄດ້ລົງບົດຄວາມ ໂດຍຂຽນວ່າ, ແນວທາງພື້ນຖານຂອງພັກກອມມູນິດຈີນແມ່ນເສັ້ນທາງຊີວິດຂອງພັກແລະຂອງລັດ.
ແນວທາງພື້ນຖານຂອງພັກກອມມູນິດຈີນໃນສະໄໝໃໝ່ ເວົ້າຫຍໍ້ເປັນ "ໜຶ່ງໃຈກາງ ສອງຂໍ້ພື້ນຖານ", ນັ້ນກໍແມ່ນ ຖືເອົາການສ້າງສາເສດຖະກິດເປັນໃຈກາງ, ຍຶດໝັ້ນ 4 ຫຼັກການພື້ນຖານ, ຍຶດໝັ້ນປະຕິຮູບແລະໄຂປະຕູສູ່ພາຍນອກ. ບົດລາຍງານຂອງກອງປະຊຸມໃຫຍ່ຄັ້ງທີ 17 ຂອງພັກກອມມູນິດຈີນຊີ້ອອກວ່າ, ແນວທາງພື້ນຖານຂອງພັກແມ່ນເສັ້ນທາງຊີວິດຂອງພັກແລະຂອງລັດ, ການຖືການສ້າງສາເສດຖະກິດເປັນໃຈກາງ ແມ່ນຫຼັກໃນການສ້າງສາໃຫ້ປະເທດຈະເລີນຮຸ່ງເຮືອງ, 4 ຫຼັກການພື້ນຖານແມ່ນກົກຮາກຂອງການສ້າງຕັ້ງປະເທດ, ການປະຕິຮູບແລະໄຂປະຕູສູ່ພາຍນອກແມ່ນເສັ້ນທາງແຫ່ງການສ້າງສາໃຫ້ປະເທດເຂັ້ມແຂງ.
ບົດຄວາມວິເຄາະວ່າ, ແນວທາງພື້ນຖານຂອງພັກກອມມູນິດຈີນແມ່ນເສັ້ນທາງຊີວິດຂອງພັກແລະຂອງລັດ, ແມ່ນສິ່ງຮັບປະກັນດ້ານການເມືອງແຫ່ງການບັນລຸການພັດທະນາຢ່າງວິທະ ຍາສາດ; ການຖືການສ້າງສາເສດຖະກິດເປັນໃຈກາງ ແມ່ນຄວາມສຳຄັນໃນການສ້າງສາໃຫ້ປະເທດຈະເລີນຮຸ່ງເຮືອງ, ແມ່ນຄວາມຮຽກຮ້ອງຕ້ອງການຂັ້ນພື້ນຖານຂອງຄວາມຈະເລີນສີວິໄລແລະຄວາມສະຫງົບຖາວອນຂອງພັກແລະຂອງລັດ; 4 ຫຼັກການພື້ນຖານ ຄື ຍຶດໝັ້ນເສັ້ນທາງສັງຄົມນິຍົມ ຍຶດໝັ້ນຜະເດັດການໂດຍປະຊາທິປະໄຕປະຊາຊົນ ຍຶດໝັ້ນນຳພາໂດຍພັກກອມມູນິດຈີນ ຍຶດໝັ້ນລັດທິມາກ-ເລນິນ ແລະແນວຄິດເໝົາເຈີຕົງ ຢ່າງສະເໝີຕົ້ນສະເໝີປາຍ ແມ່ນກົກຮາກຂອງການສ້າງຕັ້ງປະເທດ, ແມ່ນພື້ນຖານການເມືອງຂອງການຢູ່ລອດແລະພັດທະນາຂອງພັກແລະຂອງລັດ; ການປະຕິຮູບແລະໄຂປະຕູສູ່ພາຍນອກ ແມ່ນເສັ້ນທາງສ້າງສາປະເທດໃຫ້ເຂັ້ມແຂງ, ແລະແມ່ນແຫຼ່ງພະລັງຂອງການພັດທະນາແລະຄວາມກ້າວໜ້າຂອງພັກແລະຂອງລັດ.
|
