|
ທະນາຄານໂລກຮັກສາການຄາດຄະເນການເຕີບໂຕຂອງເສດຖະກິດຈີນໃນປີນີ້ໃນລະດັບ 11,3%
cri
ຕາມຂ່າວສານຊີນຮວາ:ບົດລາຍງານເສດຖະກິດອາຊີຕາເວັນອອກໃນເຄິ່ງປີທີ່ທະນາຄານໂລກປະກາດໃນວັນທີ 15 ພະຈິກນີ້ສືບຕໍ່ຮັກສາການຄາດຄະເນຕໍ່ການເຕີບໂຕຂອງເສດຖະກິດຈີນ,ຄາດວ່າ, ອັດຕາເຕີບໂຕຂອງ GDP ຂອງຈີນໃນປີ 2007 ຈະບັນລຸ 11,3%,ປີ 2008 ຈະຜ່ອນຊ້າລົງຈົນຮອດ 10,8%.
ຕາມຕົວເລກທີ່ກົມສະຖິຕິແຫ່ງຊາດຈີນປະກາດ, ໃນສາມໄຕມາດທຳອິດຂອງປີນີ້, GDP ຂອງຈີນເພີ່ມຂຶ້ນຫລາຍກວ່າເວລາດຽວກັນຂອງປີກາຍ 11,5%.
ບົດລາຍງານຂອງທະນາຄານໂລກກ່າວວ່າ, ເຖີງວ່າການຄ້າສົ່ງອອກຕໍ່ອາເມລິກາຂອງອາຊີຕາເວັນອອກໄດ້ຊ້າລົງ,ແຕ່ການລົງທຶນແລະການບໍລິໂພກຂອງຈີນແລະປະເທດອື່ນໆຈະເຮັດໃຫ້ເສດຖະກິດຂອງອາຊີຕາເວັນອອກໃນປີນີ້ສືບຕໍ່ເພີ່ມຂຶ້ນຢ່າງແຂງແຮງ, ຫລືອາດຈະໄວຂຶ້ນອີກ.
|
|
