|
|
 |
| (GMT+08:00)
2007-11-16 10:32:24
|
 |
|
ລັດຖະບານຟິລິບປິນກັບກອງປະກອບອາວຸດຕ້ານລັດຖະບານພາກໃຕ້ເຊັນສັນຍາກ່ຽວກັບຂອບເຂດຂອງເຂດປົກຄອງຕົນເອງ
cri
ຕາມຂ່າວສານຊິ່ນຮວາ: ວັນທີ 15 ພະຈິກນີ້, ລັດຖະບານຟິລິບປິນກັບ "ແນວໂຮມປົດປ່ອຍອິສຣາມິກໂມໂຣ" ເຊິ່ງເປັນອົງການປະກອບອາວຸດຕ້ານລັດຖະບານພາກໃຕ້ໄດ້ເຊັນສັນຍາກ່ຽວກັບບັນຫາຊາຍແດນຂອງ "ເຂດປົກຄອງຕົນເອງ" ຂອງອິສຣາມຢູ່ພາກໃຕ້, ຄາດວ່າສອງຝ່າຍຈະເຊັນສັນຍາສັນຕິພາບໃນເດືອນສິງຫາປີໜ້າໃນທີ່ສຸດ.
ຜູ້ແທນລັດຖະບານຟິລິບປິນກັບຜູ້ແທນຂອງກອງປະກອບອາວຸດດັ່ງກ່າວໄດ້ຈັດການເຈລະຈາຢູ່ກົວລາລຳເປີ ນະຄອນຫຼວງມາເລເຊຍເປັນເວລາສອງວັນ. ພາຍຫຼັງການເຈລະຈາສິ້ນສຸດລົງແລ້ວ, ທ່ານໂຣໂດໂຟ ກາເຊຍ ຫົວໜ້າຜູ້ແທນເຈລະຈາຂອງລັດຖະບານຟິລິບປິນກ່າວວ່າ, ສອງຝ່າຍໄດ້ບັນລຸຄວາມເຫັນເປັນເອກະສັນກັນກ່ຽວກັບບັນຫາຊາຍແດນຂອງ "ເຂດປົກຄອງຕົນເອງ", ລັດຖະບານໄດ້ຜ່ອນສັ້ນຜ່ອນຍາວໃນບັນຫານີ້, ແຕ່ທ່ານບໍ່ໄດ້ເຜີຍໃຫ້ຮູ້ລາຍລະອຽດ.
ຂ່າວແຈ້ງວ່າ, ສອງຝ່າຍຍັງຈະຈັດການເຈລະຈາຮອບໃໝ່ໃນເດືອນທັນວາປີນີ້, ເພື່ອທຳການກະກຽມໃຫ້ແກ່ການຫາລືສັນຍາສັນຕິພາບສະບັບສຸດທ້າຍຢ່າງເປັນທາງການໃນປີໜ້າ.
|
|
|
