|
|
 |
| (GMT+08:00)
2007-11-20 16:56:23
|
 |
|
ນາຍົກຈີນເຂົ້າຮ່ວມກອງປະຊຸມສຸດຍອດອາຊີຕາເວັນອອກຕ່າງໆ
cri
ຕາມຂ່າວ CRI: ວັນທີ 20 ພະຈິກນີ້, ຢູ່ສິງກະໂປ, ທ່ານເວີ່ນເຈ່ຍປາວ ນາຍົກລັດຖະມົນຕີຈີນໄດ້ເຂົ້າຮ່ວມກອງປະຊຸມສຸດຍອດອາຊຽນບວກ 3 ຄັ້ງທີ 11, ກອງປະຊຸມສຸດຍອດຈີນ, ຍີ່ປຸ່ນແລະສ.ເກົາຫຼີ, ໂດຍໄດ້ແຍກພົບປະກັບທ່ານຢາຊູໂອ ຟູຄູດະ ນາຍົກລັດຖະມົນຕີຍີ່ປຸ່ນ, ແລະທ່ານໂຣມູຢຸນ ປະທານາທິບໍດີສ.ເກົາຫຼີ.
ກອງປະຊຸມສຸດຍອດອາຊຽນບວກ 3 ຄັ້ງທີ 11 ໄດ້ຈັດຂຶ້ນໃນຕອນບ່າຍວັນທີ 20 ພະຈິກນີ້. ເຈົ້າໜ້າທີ່ກະຊວງການຕ່າງປະເທດຈີນເຜີຍໃຫ້ຮູ້ວ່າ, ທ່ານເວີ່ນເຈ່ຍປາວຈະສະຫຼຸບບົດຮຽນອັນລ້ຳຄ່າຂອງການຮ່ວມມືອາຊຽນບວກ 3, ລົງເລິກແລກປ່ຽນຄວາມເຫັນກັບຝ່າຍຕ່າງໆກ່ຽວກັບການຮ່ວມມືອາຊຽນບວກ 3 ຢ່າງເນັ້ນໜັກ.
ຕອນເຊົ້າມື້ດຽວກັນ, ທ່ານເວີ່ນເຈ່ຍປາວກັບທ່ານໂຣມູຢຸນແລະທ່ານຢາຊູໂອ ຟູຄູດາ ໄດ້ເປັນເຈົ້າພາບຈັດກອງປະຊຸມສຸດຍອດຈີນຍີ່ປຸ່ນສ.ເກົາຫຼີຄັ້ງທີ 8, ແລກປ່ຽນຄວາມເຫັນກ່ຽວກັບການເພີ່ມທະວີການຮ່ວມມືໃນຂົງເຂດຕ່າງໆ, ຄື: ການອະນຸລັກສິ່ງແວດລ້ອມ,ວິທະຍາສາດເຕັກນິກ, ວັດທະນະທຳແລະການແລກປ່ຽນລະຫວ່າງຊາວໜຸ່ມ.
ຕອນເຊົ້າມື້ດຽວກັນ, ທ່ານເວີ່ນເຈ່ຍປາວ ຍັງໄດ້ແຍກະກັບທ່ານໂຣມູຢຸນ ປະທານາທິບໍດີສ.ເກົາຫຼີແລະທ່ານຢາຊູໂອະ ຟູຄູດະ ນາຍົກລັດຖະມົນຕີຍີ່ປຸ່ນ, ໄດ້ແລກປ່ຽນຄວາມເຫັນກ່ຽວກັບການພົວພັນສອງຝ່າຍແລະບັນຫາທີ່ສອງຝ່າຍສົນໃຈຮ່ວມກັນ.
|
|
|
