ຕາມ​ຂ່າວ CRI: ກອງ​ປະຊຸມ​ສຸ​ດຍອດ​ອາ​ຊຽນຄັ້ງທີ 13 ​ໄດ້​ຈັດ​ຂຶ້ນຢູ່​ສິງກະ​ໂປ​ໃນ​ວັນ​ທີ 20 ພະຈິກ​ນີ້, ​ໃນ​ກອງ​ປະຊຸມ ຜູ້ນຳ 10 ປະ​ເທດ​ສະມາຊິກອາ​ຊຽນ ​ໄດ້ລົງ​ນາມ​ໃນ "ກົດ​ບັດ​ອາ​ຊຽນ"​​ແລະ​ເອ​ກະສານ​ອື່ນໆຫຼາຍສະບັບ.

""ກົດ​ບັດ​ອາ​ຊຽນ" ​ແມ່ນ​ເອກະສານ​ສະບັບ​ທຳ​ອິດ​ທີ່​ມີ​ຄວາມ​ຜູກ​ພັນ​ທົ່ວ​ໄປຕໍ່​ບັນ​ດາ​ປະ​ເທດ​ອາ​ຊຽນ​ຕາມ​ກົດໝາຍ ​ໃນຮອບ 40 ປີ​ຂອງ​ການ​ສ້າງຕັ້ງອາ​ຊຽນມາ​ນີ້, ​ໄດ້​ກຳ​ນົດ​ມາດ​ຕາ​ແລະ​ຮູ​ບແບບ​ຂອງ​ການ​ຮ່ວມ​ມື​ລະຫວ່າງ​ບັນດາ​ປະ​ເທດ​ສະ​ມາ​ຊິກ​ໃນ​ອະ​ນາ​ຄົດ. ທ່ານ​ລີ​ຊຽນລົງ ນາຍົກລັດຖະມົນຕີສິງກະ​ໂປ ປະ​ເທດ​ປະທານ​ຝຽນ​ອາ​ຊຽນ ​ໄດ້​ຮຽກ​ຮ້ອງ​ໃຫ້​ບັນດາ​ປະ​ເທດ​ສະມາຊິກ​ອາ​ຊຽນ ຈົ່ງ​​ໃຫ້​ສັດຕະຍາບັນ "ກົດ​ບັດ​ອາ​ຊຽນ" ​ໂດຍ​ໄວ, ​ເພື່ອ​ໃຫ້​ມີ​ຜົນ​ສັກສິດ ກ່ອນ​ກອງ​ປະຊຸມ​ສຸດ​ຍອດ​ອາ​ຊຽນຄັ້ງໜ້າ.

​ໃນ​ກອງ​ປະຊຸມ​ເທື່ອ​ນີ້, ຜູ້ນຳ​ປະ​ເທດ​ຕ່າງໆທີ່​ຮ່ວມ​ປະຊຸມ​ຍັງ​ໄດ້​ລົງ​ນາມ​ໃນ "​ແຜນ​ອະ​ນາຄົດ​ຂອງ​ປະຊາ​ຄົມ​ເສດຖະກິດ​ອາ​ຊຽນ" "ຖະ​ແຫຼ​ງການ​ສິ່ງ​ແວດ​ລ້ອມ​ແບບ​ຍືນ​ຍົງ​ຂອງອາ​ຊຽນ".