ຕາມ​ຂ່າວ CRI: ວັນ​ທີ 20 ພະຈິກ​ນີ້ ຢູ່​ທີ່​ປັກ​ກິ່ງ, ທ່ານ​ລິວ​ຈ້ຽນຊ່າວ ​​ໂຄ​ສົກ​ກະ​ຊວງ​ການ​ຕ່າງປະ​ເທດ​ຈີນ​ກ່າວ​ວ່າ, ຈີນ​ເຫັນ​ວ່າ ການ​ເຊັນ "ກົດ​ບັດ​ອາ​ຊຽນ"​ແມ່ນ​ເຫດ​ການ​ສຳຄັນ​ທີ່​ມີ​ຄວາມ​ໝາຍ​ຫຼັກ​ໝາຍ​ທາງ​ໃນ​ 40 ປີ​ແຕ່ອາ​ຊຽນສ້າງຕັ້ງຂຶ້ນ​ມາ​ນີ້, ​ແລະ​ກໍ​ແມ່ນ​ໝາກ​ຜົນ​ສຳ​ຄັນ​ອັນ​ໜຶ່ງ​ຂອງ​ອາຊຽນ​ໃນ​ການ​ເພີ່ມ​ທະວີ​ການ​ກໍ່ສ້າງ​ການຈັດ​ຕັ້ງ, ຝ່າຍ​ຈີນ​ຊົມ​ເຊີຍ​ການ​ເຊັນ "ກົດ​ບັດ​ອາ​ຊຽນ".

ຈີນ​ເຊື່ອ​ວ່າ, ​ໃຕ້​ການ​ຊີ້ນຳຂອງ "ກົດ​ບັດ​ອາ​ຊຽນ", ອາ​ຊຽນຈະ​ຊຸກ​ຍູ້​ການ​​ເຊື່ອມ​ໂຍງ​ເຂົ້າກັນຂອງ​ຕົນ​ເອງ​ຢ່າງ​ບໍ່​ຢຸດ​ຢັ້ງ, ​ແລະ​ປະກອບສ່ວນ​ຫຼາຍ​ກວ່າ​ເກົ່າ ​​ໃນ​ການ​ຊຸກ​ຍູ້​ການ​ພັດ​ທະນາ​ຢ່າງສັນຕິພາບ ​ແລະ​ຄວາມ​ຈະ​ເລີ​ນຮຸ່ງ​ເຮືອງ​ຂອງ​ພາກ​ພື້ນ​ນີ້​ແລະ​ຂອງ​ໂລກ.