|
|
 |
| (GMT+08:00)
2007-11-21 12:44:29
|
 |
|
ຈີນຈະເພີ່ມທະວີວຽກງານອະນຸລັກສິ່ງແວດລ້ອມຂອງຊົນນະບົດ
cri
Author: gn
ຕາມຂ່າວສານຊິນຮວາ:ລັດຖະບານຈີນກ່າວວ່າ,ຈະເພີ່ມທະວີວຽກງານອະນຸລັກສິ່ງແວດລ້ອມຂອງຊົນນະບົດຕື່ມອີກ,ເມື່ອຮອດປີ2010,ທ່າອ່ຽງທີ່ມົນລະພິດດ້ານສິ່ງແວດລ້ອມຂອງຊົນນະບົດຊຸດໂຊມລົງນັ້ນຈະຖືກຄວບຄຸມ,ຄຸນນະພາບສິ່ງແວດລ້ອມຂອງແຫຼ່ງນ້ຳດື່ມຊົນນະບົດຈະດີຂຶ້ນ.
ວັນທີ20ພະຈິກນີ້,ຫ້ອງການລັດຖະບານຈີນໄດ້ປະກາດຄຳສັ່ງແນະນຳສະບັບໜຶ່ງຂອງກົມໃຫຍ່ອະນຸລັກສິ່ງແວດລ້ອມແຫ່ງລັດຈີນແລະພາກສ່ວນອື່ນໆ.ຄຳສັ່ງແນະນຳສະບັບນີ້ຂຽນວ່າ,ຕ້ອງເພີ່ມທະວີການອະນຸລັກສິ່ງແວດລ້ອມຂອງແຫຼ່ງນ້ຳດື່ມຂອງຊົນນະບົດແລະການປັບປຸງຄຸນນະພາບນ້ຳໃຫ້ດີຂຶ້ນຢ່າງແທ້ຈິງ,ຖືການປະກັນຄຸນນະພາບຂອງນ້ຳດື່ມເປັນໜ້າທີ່ອັນດັບໜຶ່ງຂອງວຽກງານອະນຸລັກສິ່ງແວດລ້ອມຂອງຊົນນະບົດ;ອອກແຮງຊຸກຍູ້ການປັບປຸງສະພາບມົນລະພິດຈາກຊີວິດການເປັນຢູ່ຂອງຊົນນະບົດ,ຄວບຄຸມການມົນລະພິດຈາກອຸດສາຫະກຳຢູ່ຊົນນະບົດ,ເພີ່ມທະວີການປ້ອງກັນມົນລະພິດຈາກການລ້ຽງສັດປະເພດຕ່າງໆ,ເພີ່ມທະວີການອະນຸລັກທຳມະຊາດຢູ່ຊົນນະບົດ.
ຄຳສັ່ງແນະນຳວ່າ,ຈີນຈະສ້າງຕັ້ງແລະປັບປຸງລະບົບຕິດຕາມກວດກາສິ່ງແວດລ້ອມຂອງຊົນນະບົດ,ລາຍງານສະພາບສິ່ງແວດລ້ອມຂອງຊົນນະບົດຢ່າງເປັນປົກກະຕິ.
|
|
|
