|
|
 |
| (GMT+08:00)
2007-11-21 16:50:32
|
 |
|
ນາຍົກຈີນພົບປະກັບຜູ່ນຳອິນໂດເນເຊຍຟີລິບປິນແລະນູແວັນເຊລັງ
cri
ຕາມຂ່າວCRI,ວັນທີ20ພະຈິກນີ້,ທ່ານເວິ່ນເຈ່ຍປາວ ນາຍົກລັດຖະມົນຕີຈີນທີ່ພວມຢ້ຽມຢາມ ສິງກະໂປໄດ້ແຍກ ພົບປະກັບທ່ານຊູຊີໂລ ບຳບັງ ຢຸດໂຮໂຢໂນ ປະທານາທິບໍດີອິນໂດເນເຊຍ, ນາງໂກຼເລຍ ອາໂລໂຢ ປະທານາທິບໍດີຟີລິບປິນແລະນາງເຮເລັນ ຄຼາກນາຍົກລັດຖະມົນຕີນູແວັນເຊລັງ.
ໃນເວລາເຈລະຈາກັບທ່ານຊູຊີໂລ,ທ່ານເວິ່ນເຈ່ຍປາວກ່າວວ່າ,ຈີນຍິນດີສືບຕໍ່ສະໜັບສະໜູນເຊິ່ງກັນແລະກັນແລະຮ່ວມມືຢ່າງໃກ້ຊິດກັບອິນໂດເນເຊຍໃນບັນຫາສຳຄັນທີ່ຕ່າງຝ່າຍຕ່າງສົນໃຈ.ທ່ານຊູຊີໂລກ່າວວ່າ,ການພົວພັນຄູ່ຮ່ວມມືຍຸດທະສາດລະຫວ່າງອິນໂດເນເຊຍກັບຈີນຂະຫຍາຍຕົວໄປດ້ວຍດີ.ເປົ້າໝາຍທີ່ຍອດມູນຄ່າການຄ້າລະຫວ່າງສອງຝ່າຍບັນລຸ30ຕື້ໂດລາໃນປີ2010ນັ້ນຍ່ອມຈະບັນລຸຜົນເປັນຈິງໄດ້ຢ່າງແນ່ນອນ.
ໃນເວລາພົບປະກັບທ່ານນາງອາໂລໂຢ,ທ່ານເວິ່ນເຈ່ຍປາວກ່າວວ່າ,ຈີນແລະຟິລິບປິນຄວນສຳເລັດແຜນປະຕິບັດງານກ່ຽວກັບການຮ່ວມມືຍຸດທະສາດແລະແຜນການ5ປີແຫ່ງການຮ່ວມມືດ້ານເສດຖະກິດການຄ້າໂດຍໄວ.ທ່ານກ່າວເນັ້ນວ່າ,ການຮ່ວມກັນພັດທະນາທະເລຈີນໃຕ້ມີຜົນດີຕໍ່ການ ຮັກສາສະຖຽນລະພາບຂອງທະເລຈີນໃຕ້,ຈີນຍິນດີສືບຕໍ່ຮ່ວມມືກັບຟິລິບປິນຢ່າງສະໜິດແໜ້ນ,ຊຸກຍູ້ໃຫ້ການຮ່ວມກັນພັດທະນາທະເລຈີນໃຕ້ໄດ້ຮັບໝາກຜົນຕົວຈິງໂດຍໄວ.ທ່ານນາງອາໂລໂຢກ່າວວ່າ,ການພົວພັນຟິລິບປິນຈີນແມ່ນສຸກງອມແລະຮອບດ້ານ,ຟິລິບປິນໃຫ້ຄວາມສຳຄັນຈາກດ້ານຍຸດທະສາດຕໍ່ການພົວພັນຮ່ວມມືມິດຕະພາບກັບຈີນ,ແລະຍຶດໝັ້ນປະຕິບັດນະໂຍບາຍຈີນດຽວຢ່າງໝັ້ນໜຽວບໍ່ປ່ຽນແປງ,ຄັດຄ້ານການເຄື່ອນໄຫວແບ່ງແຍກໄຕ້ຫວັນອອກຈາກຈີນໃຫ້ເປັນເອກະລາດ.
ໃນເວລາເຈລະຈາກັບ ນາງເຮເລັນຄຼາກ,ທ່ານເວິ່ນເຈ່ຍປາວກ່າວວ່າ,ການເຈລະຈາເຂດການຄ້າເສລີຈີນນູແວັນເຊລັງແມ່ນເຫດການສຳຄັນເລື່ອງໜຶ່ງທີ່ມີຄວາມໝາຍດ້ານຍຸດທະສາດໃນການພົວພັນລະຫວ່າງສອງຝ່າຍ,ຫວັງວ່າສອງຝ່າຍປະຕິບັດຕາມຈິດໃຈທີ່ມີຄວາມຈິງໃຈ,ເຫັນໃຈກັນແລະຜ່ອນສັ້ນຜ່ອນຍາວແກ່ກັນ,ພະຍາຍາມໃຫ້ກ້າວເຖິງຂັ້ນເຊັນສັນຍາພາຍໃນປີນີ້.ນາງຄຼາກກ່າວວ່າ,ນູແວັນເຊລັງຍິນດີໃຊ້ທ່າທີຄ່ອງແຄ້ວ,ປະກອບສ່ວນຫຼາຍກວ່າເກົ່າເພື່ອໃຫ້ສຳເລັດການເຈລະຈາຕາມເວລາກຳນົດ.
|
|
|
