|
ເສດຖະກິດໂລກເຕີບໂຕຊ້າລົງມີຜົນກະທົບບໍ່ຫຼາຍປານໃດຕໍ່ຈີນ
cri
Author: shuo
ຕາມຂ່າວສານຊິນຮວາ:ວັນທີ21ພະຈິກນີ້,ຢູ່ນະຄອນໂຈຮານເນັສເບີກຂອງອາຟະລິກາໃຕ້,ທ່ານ ໂຈ່ວສຽວຊ່ວນ ຜູ້ວ່າການທະນາຄານປະຊາຊົນຈີນກ່າວວ່າ,ຍ້ອນຖືກຜົນກະທົບຈາກວິກິດການເງິນກູ້ຊື້ເຮືອນທີ່ດ້ອຍຄຸນນະພາບຂອງອາເມລິກາ,ຈັງຫວະເຕີບໂຕຂອງເສດຖະກິດໂລກອາດຈະຊ້າລົງໃນປີ2008,ແຕ່ນີ້ບໍ່ມີຜົນກະທົບຫຼາຍປານໃດຕໍ່ເສດຖະກິດຈີນ.
ທ່ານໂຈ່ວສຽວຊ່ວນກ່າວວ່າ,ຍ້ອນຖືກຜົນກະທົບຈາກວິກິດການດັ່ງກ່າວ,ຄວາມຫ້າວຫັນດ້ານການບໍລິໂພກຂອງຜູ້ບໍລິໂພກອາເມລິກາຖືກກະທົບກະເທືອນໜັກ,ຜູ້ບໍລິໂພກສ່ວນໜຶ່ງຂອງເອີລົບກໍອາດຈະຖືກຜົນກະທົບ.ຍ້ອນເຫດນີ້,ການສົ່ງອອກຕໍ່ອາເມລິກາຂອງຈີນອາດຈະຊ້າລົງໜ້ອຍໜຶ່ງ,ບັນຫາການຄ້າຂາດດຸນການຄ້າລະຫວ່າງຈີນອາເມລິກາອາດຈະຜ່ອນຄາຍລົງໃນລະດັບໃດໜຶ່ງ,ສະພາບດັ່ງກ່າວຈະບໍ່ມີຜົນກະທົບຫຼາຍປານໃດຕໍ່ເສດຖະກິດຈີນ.
|
|
