ຕາມ​ຂ່າວສານ​ຊິນ​ຮວາ: "ແຜນການ​ເຄື່ອນ​ໄຫວກ່ຽວ​ກັບ​ສິ່ງ​ແວດ​ລ້ອມ​ແລະ​ສຸ​ຂະ​ພາບ​ແຫ່ງ​ຊາດ​ແຕ່​ປີ 2007 ຫາ​ປີ 2015" ຂອງ​ຈີນ​ສະບັບ​ທຳ​ອິດ​ຊີ້​ອອກ​ວ່າ, ຈີນ​ຈະ​ສຳ​ຫຼວດ​ເງື່ອນ​ໄຂ​ຂອງ​ສິ່ງ​ແວ​ດລ້ອມ​ທີ່​ສຳຄັນ ​ແລະ​ການ​ທຳລາຍ​ສຸຂະພາບ​ຈາກ​ສິ່ງ​ແວດ​ລ້ອມ ​ໃນ​ທົ່ວ​ປະ​ເທດ, ​ເພື່ອ​ຊອກ​ຮູ້​ການ​ທຳລາຍ​ສຸຂະພາບ​ຈາກ​ສິ່ງ​ແວດ​ລ້ອມ​ທີ່​ຖືກ​ເຊື່ອມ​ພິດ​ມີ​ປະ​ເພດ​ໃດ ​ແລະສະພາບ​ການ​ແຈກ​ຢາຍ​ຂອງ​ມັນ, ​ເພື່ອ​ສະໜອງ​ຫຼັກ​ຖານ​ອ້າງ​ອີງ​ດ້ານ​ວິ​ທະ​ຍາ​ສາດ​ໃຫ້​ແກ່​ການ​ດຳ​ເນີນ​ການ​ເຄື່ອນ​ໄຫວ​ລະຫວ່າງ​ສິ່ງ​ແວດ​ລ້ອມ​ກັບ​ສຸຂະພາບ. ພ້ອມ​ກັນ​ນັ້ນ ດຳ​ເນີນ​ການ​ຄົ້ນຄວ້າ​ການ​ເຂົ້າ​ແຊກ​ດ້ວຍ​ແພດ​ສາດ​ຈີນ ຕໍ່​ການ​ເຊື່ອມ​ພິດ​ສິ່ງ​ແວດ​ລ້ອມ​ທຳ​ລາຍ​ສຸ​ຂະ​ພາບ.

ຕາມ​ແຜນການ​ດັ່ງກ່າວ, ຈີນ​ຈະ​ສ້າງ​ຕາໜ່າງຕິດຕາມ​ກວດກາ​ສິ່ງ​ແວດ​ລ້ອມ​ກັບ​ສຸ​ຂະ​ພາບ 5 ລະບົບ ​ເຊັ່ນ ນ້ຳ​ກິນ ມົນ​ລະ​ພິດ ​ແລະ ສິ່ງ​ແວດ​ລ້ອມ​ຂອງທີ່​ດິນ​ເປັນ​ຕົ້ນ, ​ເພື່ອ​ຕິດ​ຕາມ​ກວດ​ກາ​ການ​ເຊື່ອມ​ພິດ​ສິ່ງ​ແວດລ້ອມ​ແລະ​ມີ​ຜົນ​ຮ້າຍ​ຕໍ່​ສຸຂະພາບ ຢູ່​ທຸກ​ເວ​ລາ​ແລະ​ເປັນ​ລະ​ບົບ.