|
|
 |
| (GMT+08:00)
2007-11-23 12:26:19
|
 |
|
ສອງເກົາຫຼີເຊັນແຜນການລະອຽດກ່ຽວກັບການເປີດການແລ່ນລົດໄຟຂົນສົ່ງຢ່າງເປັນທາງການ
cri
Author: shuo
ຕາມຂ່າວສານຊິນຮວາ:ວັນທີ22ພະຈິກນີ້,ກະຊວງເອກະພາບຂອງສ.ເກົາຫຼີແຈ້ງຂ່າວວ່າ,ສ.ເກົາຫຼີກັບສປປເກົາຫຼີໄດ້ເຊັນແຜນການລະອຽດກ່ຽວກັບການເປີດການແລ່ນລົດໄຟຂົນສົ່ງຢູ່ລະຫວ່າງມຸນຊັນຂອງສ.ເກົາຫຼີກັບບົງດົງຂອງສປປເກົາຫຼີຢ່າງເປັນທາງການ.
ໃບແຈ້ງຂ່າວຂຽນວ່າ,ສ.ເກົາຫຼີກັບສປປເກົາຫຼີຕົກລົງວ່າ,ແຕ່ວັນທີ11ທັນວາປີນີ້ເປັນຕົ້ນໄປ,ຈະເປີດການແລ່ນລົດຂົນສົ່ງຢູ່ລະຫວ່າງມຸນຊັນກັບບົງດົງມື້ລະຖ້ຽວຢ່າງເປັນທາງການ.ພິທີໄຂການແລ່ນລົດຈະຈັດຂຶ້ນຢູ່ປານມູນຈອມ.ສອງຝ່າຍຕົກລົງໃຊ້ເລື່ອງນີ້ເປັນໂອກາດ,ເພື່ອເປີດກວ້າງການແລ່ນລົດຢູ່ລະຫວ່າງສອງເກົາຫຼີຕື່ມອີກ.
ໃບແຈ້ງຂ່າວຂຽນວ່າ,ສອງຝ່າຍຍັງເຫັນດີສ້ອມແປງທາງລົດໄຟຢູ່ລະຫວ່າງໄຄສົງຫາຊິນຸຍຈູ,ເພື່ອເຮັດໃຫ້ສາມາດໃຊ້ທາງລົດໄຟສາຍປັກກິ່ງຊິນຸຍຈູຂົນສົ່ງກອງເຊຍປະສົມສອງເກົາຫຼີໄປຊົມເບິ່ງງານກິລາໂອລິມປິກຢູ່ປັກກິ່ງຂອງຈີນໄດ້.
|
|
|
