ຕາມ​ຂ່າວສານ​ຊິນ​ຮວາ: ວັນ​ທີ 23 ພະຈິກ​ນີ້, ກອງ​ປະຊຸມ​​ແຜ່ນ​ແພຝ້າຍ​ສາ​ກົນ​ຈີນ​ຄັ້ງ​ທີ 5 ​ໄດ້​ຈັດ​ຂຶ້ນຢູ່ກຳ​ແພງ​ນະຄອນ​ຈຸ່ງ​ກິ່ງ ທາງ​ພາກ​ຕາ​ເວັນ​ຕົກ​ສຽງ​ໃຕ້​ຂອງ​ຈີນ, ທ່ານ​ສິ​ຄຸ່ນ​ຢວນ ຮອງ​ປະທານ​ສະມາຄົມ​ອຸດສາຫະກຳ​ແຜ່ນ​ແພ​ຈີນ​ກ່າວ​ວ່າ, ​ໃນ​ຂະນະ​ທີ່​ຈີນ​ສົ່ງ​ອອກ​ແຜ່ນ​ແພ​ອາພອນ​ໄປ​ສູ່​ທົ່ວ​ໂລກ​ນັ້ນ, ກໍ​ກາຍ​ເປັນ​ປະ​ເທດ​ນຳ​ເຂົ້າສິນຄ້າ​ທີ່ກ່ຽວ​ພັນ​ກັບ​ແຜ່ນ​ແພ​ຂອງ​ໂລກ​ເປັນ​ກ້າວໆ, ​ໃນ​ຫຼາຍ​ປີ​ມາ​ນີ້, ການ​ນຳ​ເຂົ້າ​ຝ້າຍດອກ ​ວັດຖຸ​ດິບໄຍ​ທຽມ ​ແລະ ຈັກ​ຕ່ຳ​ແຜ່ນ​ແພ​ຂອງ​ຈີນ ​ໄດ້​ເພີ່ມ​ຂຶ້ນອ່າວ​ໄວ, ​ນີ້​ໄດ້ສະໜອງໂອກາດ​ໃຫ້​ແກ່​ອຸດສາຫະ​ກຳ​ແຜ່ນ​ແພ​ຂອງ​ປະ​ເທດ​ຕ່າງໆ​ໃນ​ໂລກ.

ທ່ານ​ສິຄຸ່ນຢວນກ່າວ​ວ່າ, ນັບ​ແຕ່​ປີ 2001 ຫາ​ປີ 2005, ຈີນ​ນຳ​ເຂົ້າ​ຝ້າຍ​ດອກ​ໄດ້​ເພີ່ມ​ຈາກ 6 ໝື່ນ​ໂຕນ​ຂຶ້ນ​ເປັນ 2 ລ້ານ 5 ​ແສນ 6 ໝື່ນ​ໂຕນ. ປີ​ກາຍ​ນີ້, ນັບລວມ​ແລ້ວ ອຸດ​ສາ​ຫະ​ກຳ​ແຜ່ນ​ແພ​ຂອງຈີນ​ໄດ້​ນຳ​ເຂົ້າ​ເສື້ອ​ຜ້າ​ອາພອນ ​ແລະຈັກ​ຕຳ​ແຜ່ນ​ແພ ມີ​ເຖິງ 45 ຕື້ 400 ລ້ານ​ໂດ​ລາ.