|
ໄພທຳມະຊາດດ້ານດິນຟ້າອາກາດພວມມີຜົນຮ້າຍຕໍ່ກະສິກຳຂອງຈີນນັບມື້ນັບຫນັກຫນ່ວງ
cri
ຕາມຂ່າວສານຊີນຮວາ: ວັນທີ 23 ພະຈິກນີ້, ຢູ່ເມືອງກວງໂຈວ ຕົວເມືອງພາກໃຕ້ຂອງຈີນ, ທ່ານ ເວີຍຈ່າວອ່ານ ລັດຖະມົນຕີຊ່ວຍວ່າການກະຊວງກະສິກຳຈີນກ່າວວ່າ, ໄພທຳມະຊາດຍ້ອນອາກາດໂລກຮ້ອນພວມມີຜົນຮ້າຍຫນັກເຂົ້າຕໍ່ການຜະລິດກະສິກຳຂອງຈີນ, ການພັດທະນາແບບຍືນຍົງຂອງກະສິກຳຈີນພວມປະເຊີນກັບການທ້າທາຍອັນຂ້ຽວຂາດ.
ສະຖິຕິເບື້ອງຕົ້ນຂອງກະຊວງກະສິກຳຈີນສະແດງໃຫ້ເຫັນວ່າ,ໃນ 9 ເດືອນທຳອິດຂອງປີນີ້, ເນື້ອທີ່ທັນຍາຫານທີປະສົບໄພໃນທົ່ວປະເທດຈີນມີ 5 ລ້ານ 6 ແສນກວ່າເຮັກຕາ,ເພີ່ມຂຶ້ນຫລາຍກວ່າໄລຍະດຽວກັນຂອງປີກາຍ.
ທ່ານເວີຍຈ່າວອ່ານກ່າວວ່າ, ນອກຈາກໄດ້ເພີ່ມງົບປະມານໃນດ້ານພື້ນຖານໂຄງລ່າງຂອງກະສິກຳແລ້ວ, ຈີນຍັງຕ້ອງຄົ້ນຄວ້າການຈັດວາງການປູກທັນຍາຫານທີ່ສອດຄ່ອງກັບຊັບພະຍາກອນນ້ຳ,ເພີ່ມການຄົ້ນຄວ້າປ້ອງກັນແລະຫລຸດໄພໃນດ້ານເຕັກນິກກະສິກຳ,ເພີ່ມທະວີການກໍ່ສ້າງການຄຸ້ມຄອງຮັບມືກັບເຫດການສຸກເສີນເຊັ່ນການສັນຍານໄພດ້ານກະສິກຳແລະອື່ນໆ,ຍົກຄວາມສາມາດສັງລວມໃນດ້ານຕ້ານໄພກະສິກຳໃຫ້ສູງຂຶ້ນ.
|
|
