|
ດ່ານພາສີຄຸນມິງຈີນໄດ້ຮິບເອົາຢາເສບຕິດເກືອບ 4 ພັນກຼາມໃນການປາບຢາເສບຕິດໂດຍສະເພາະຢູ່ຊາຍແດນພາກໃຕ້
cri
ຕາມຂ່າວສານຊີນຮວາ: ຫວ່າງມໍ່ໆນີ້ ດ່ານພາສີຄຸນມິງແຂວງຢຸນານຂອງຈີນປະກາດວ່າ, ການປາບຢາເສບຕິດຢູ່ຊາຍແດນພາກໃຕ້ໂດຍສະເພາະໄດ້ສິ້ນສຸດລົງແລ້ວ, ໄດ້ຄົ້ນພົບຄະດີຄ້າຂາຍຢາເສບຕິດ 15 ລາຍ,ຮິບເອົາຢາເສບຕິດປະເພດຕ່າງໆ 3870 ກຼາມ,ຈັບຜູ່ຕ້ອງໂທດ 19 ຄົນ.
ຜູ່ຮັບຜິດຊອບຂອງດ່ານພາສີຄຸນມິງກ່າວວ່າ, ເພື່ອໂຈມຕີການ ຄ້າເຖື່ອນຢາເສບຕິດຢ່າງເຂັ້ມງວດ,ອີງຕາມການຈັດວາງຂອງກົມໃຫຍ່ດ່ານພາສີຈີນ, ດ່ານພາສີຄຸນມິງໄດ້ດຳເນີນກິດຈະການລາຍລະເພາະທີ່ໃຫ້ຊື່ວ່າ ປາບຢາເສບຕິດຢູ່ຊາຍແດນພາກໃຕ້ຕາມຊາຍແດນຂອງູກິ່ງແຂວງສິບສອງພັ່ນນາເຜົ່າໄທລື້ປົກຄອງຕົນເອງແລະເມືອງພູເອີ.
ໃນໄລຍະຈັດກິດຈະການດັ່ງກ່າວ, ດ່ານພາສີຄຸນມິງໄດ້ຕັ້ງບ່ອນກວດກາເຄື່ອນທີ່ແລະຄົງທີ່ຢູ່ດ່ານຊາຍແດນ, ໂຈມຕີການຄ້າເຖື່ອນຢາເສບຕິດຢູ່ຊາຍແດນຈີນມຽນມາແລະຈີນລາວເປັນຈຸດຫນັກ.
|
|
