|
ຕົວເລກທີ່ດາວທຽມຊາງເອີເລກຫນຶ່ງສົ່ງກັບຄືນສູ່ຫນ້າດິນນັ້ນດີຫລາຍ
cri
ຕາມຂ່າວ cri:ວັນທີ 24 ພະຈິກນີ້ ທ່ານຫລວນເອີ່ນເຈ ຜູ່ບັນຊາການສູງສຸດຂອງກິດຈະການດາວທຽມບິນອ້ອມສຳຫລວດດວງຈັນຂອງຈີນກ່າວວ່າ,ຕົວເລກທີ່ດາວທຽມຊາງເອີເລກຫນຶ່ງສົ່ງຄືນມານັ້ນດີຫລາຍ,ດີກວ່າການຄາດໄວ້ລວງຫນ້າ.
ທ່ານຫລວນເອີ່ນເຈກ່າວວ່າ, ກິດຈະການດາວທຽມບິນອ້ອມສຳຫລວດດວງຈັນມີຫນ່ວຍຊ່ຽວຊານທີ່ປະກອບດ້ວຍນັກວິທະຍາສາດ 120 ກວ່າຄົນ, ພວກທ່ານຈະວິເຄາະໄຈ້ແຍກຕົວເລກທີ່ດາວທຽມຊາງເອີເລກຫນຶ່ງສົ່ງຄືນມາ.ເມື່ອວິເຄາະແລ້ວ, ຈະປະກາດຕົວເລກເຫລົ່ານີ້ຕໍ່ສັງຄົມ.
ທ່ານຫລວນເອີນເຈກ່າວວ່າ, ນັບມາຮອດປັດຈຸບັນ ຫນ້າທີ່ການບິນຂອງດາວທຽມນີ້ຍັງບໍ່ມີການຜິດພາດຫຍັງເທື່ອ, ທຸກສິ່ງທຸກຢ່າງໄດ້ດຳເນີນໄປຕາມແຜນການທີ່ວາງໄວ້.ເພື່ອແກ້ໄຂເຫດການທີ່ເກີດຂຶ້ນຢ່າງບັງເອີນ,ນັກວິທະຍາສາດໄດ້ວາງແຜນການຮັບມືແກ້ໄຂສຸກເສີນ 80 ກວ່າລາຍ,ແຕ່ນັບມາຮອດດຽວນີ້, ຍັງບໍ່ທັນໃຊ້ຈັກຢ່າງເທື່ອ.
|
|
