|
|
 |
| (GMT+08:00)
2007-11-26 18:28:24
|
 |
|
ກອງປະຊຸມສຸດຍອດການຮ່ວມມືດ້ານໂທລະພາບຈີນອາຊຽນຈະຈັດຂຶ້ນໃນເດືອນທັນວາ
cri
ຕາມຂ່າວສານຊິ່ນຮວາ: ວັນທີ 26 ພະຈິກນີ້, ອົງການປົກຄອງແຂວງຢຸນນານຂອງຈີນແຈ້ງຂ່າວວ່າ, ກອງປະຊຸມສຸດຍອດການຮ່ວມມືດ້ານໂທລະພາບຈີນອາຊຽນປີ 2007 ຕົກລົງຈະຈັດຂຶ້ນໃນວັນທີ 18 ທັນວານີ້ຢູ່ນະຄອນຂຸ່ນມິງແຂວງຢຸນນານ. ນີ້ແມ່ນຈີນຈັດກອງປະຊຸມການຮ່ວມມືແລະແລກປ່ຽນຂະໜາດໃຫຍ່ຂອງວົງການໂທລະພາບຈີນແລະອາຊຽນເປັນເທື່ອທຳອິດ.
ຫົວຂໍ້ຂອງກອງປະຊຸມສຸດຍອດເທື່ອນີ້ແມ່ນ"ເພີ່ມທະວີການຮ່ວມມືແລະແລກປ່ຽນດ້ານໂທລະພາບລະຫວ່າງຈີນກັບບັນດາປະເທດອາຊຽນ, ຊຸກຍູ້ໃຫ້ຝ່າຍຕ່າງໆພັດທະນາຮ່ວມກັນ".
ໃນກອງປະຊຸມທີ່ຈະຈັດຂຶ້ນເປັນເວລາ 3 ວັນ, ຜູ້ຮັບຜິດຊອບໂທລະພາບຕົ້ນຕໍແລະອົງການໂທລະພາບທີ່ມາຈາກຈີນແລະ 10 ປະເທດອາຊຽນຈະດຳເນີນການແລກປ່ຽນກ່ຽວກັບວຽກງານຕ່າງໆ, ເຊັ່ນ: ການແລກປ່ຽນລາຍການ, ການສຳພາດຮ່ວມກັນລະຫວ່າງໂທລະພາບປະເທດຕ່າງໆ, ແລະການສຳພາດງານກິລາໂອລິມປິກປັກກິ່ງໃນປີໜ້າເປັນຕົ້ນ, ແລະຈະຫາລືວ່າຈະເຮັດແນວໃດເພື່ອວາງກົນໄກຮ່ວມມືແລກປ່ຽນໃນໄລຍະຍາວລະຫວ່າງໂທລະພາບປະເທດຕ່າງໆ.
|
|
|
