|
ປະລິມານຂົນສົ່ງຕູ້ບັນຈຸສິນຄ້າຂອງຈີນໃນປີນີ້ຈະຫຼາຍກວ່າ 100 ລ້ານຕູ້ມາດຕະຖານ
cri
Author: m
ຕາມຂ່າວໜັງສືພິມເຢິນມິນຢື້ປ້າວສະບັບຕ່າງປະເທດ: ທ່ານເວີ່ງເມີ້ງຢົງ ລັດຖະມົນຕີຊ່ອຍວ່າການກະຊວງຄົມມະນາຄົມຈີນກ່າວວ່າ, ປະລິມານຂົນສົ່ງສິນຄ້າແລະຕູ້ບັນຈຸສິນຄ້າຂອງທ່າກ່ຳປັ່ນຈີນໄດ້ຮັກສາທ່ວງທ່າເພີ່ມຂຶ້ນຢ່າງວ່ອງໄວ, ໃນນັ້ນ, ປີນີ້, ປະລິມານຂົນສົ່ງຕູ້ບັນຈຸສິນຄ້າຈະຫຼາຍກວ່າ 100 ລ້ານຕູ້ມາດຕະຖານ.
ໃນກອງປະຊຸມປະຈຳປີການຂົນສົ່ງທາງທະເລສາກົນຈີນທີ່ຈັດຂຶ້ນຢູ່ນະຄອນທຽນສິນ ເມື່ອງທ່າພາກເໜືອຂອງຈີນ, ທ່ານເວີ່ນເມີ້ງຢົງແຈ້ງວ່າ, ຄຽງຄູ່ກັບເສດຖະກິດຈີນພັດທະນາຢ່າງສືບເນື່ອງແລະວ່ອງໄວ, ປະລິມານຂົນສົ່ງສິນຄ້າແລະຕູ້ບັນຈຸສິນຄ້າຂອງທ່າກ່ຳປັ່ນຈີນໄດ້ເປັນທີ 1 ໃນໂລກໃນ 5 ປີລຽນຕິດ, ຈີນມີທ່າກ່ຳປັ່ນ 12 ແຫ່ງມີຄວາມສາມາດຂົນສົ່ງສິນຄ້າຫຼາຍກວ່າ 100 ລ້ານໂຕນ. ອີງຕາມການຄາດຄະເນ, ປີນີ້, ປະລິມານຂົນສົ່ງຕູ້ບັນຈຸສິນຄ້າຂອງຈີນຈະຫຼາຍກວ່າ 100 ລ້ານຕູ້ມາດຕະຖານ.
|
|
